Bruk av digital samkonsultasjon innan psykisk helsevern Brukarar av helsetenestene har lenge etterspurt om det er mogeleg å ta i bruk videoløysingar i større grad. Dette vil spare dei for lange reiser til fysiske konsultasjonar med behandlarar. No er tilbodet her.Samkonsultasjon er ei type videobasert samtale. Ei samtale der både sjukehus, kommune, og pasient/pårørande er tilstade samstundes. Vi kallar det ofte 3-partsvideo sidan det er tre partar med. Sidan dette er eit nytt tilbod, så har vi ikkje mykje erfaring frå før for samtalar med tre partar. Digitale samtalar med to partar er derimot mykje nytta og vi har derfor meir erfaring med det. I kva døme blir samkonsultasjon nytta ? Til no er samkonsultasjonene brukt ved utskrivingsamtaler frå spesialisttenestene i psykisk helsevern. Dei kjem i stadet for ein fysisk konsultasjon der fleire deltakare møter, eller at ein slik konsultasjon ikkje blir gjennomført av logistikkmessige grunnar.I dag ser ein at pasientar kan bli utskrivne utan gode overføringsmøte mellom tenestemottakar, spesialisthelseteneste og kommune. Årsak kan vere utfordringar med reiseveg og kapasitet til fysiske møte. Fråvær av samkonsultasjon kan medføre at planlegging av tilbod etter utskriving blir forringa og faren for nye innleggingar aukar.Med digital samkonsultasjon er målsetjinga å sikre at pasienten får god og tilrettelagt oppfølging, det gjer ein ved å sikre at relevante partar har tilgang på nødvendig informasjon. Det vil og skape betre og meir effektiv bruk av helsetenestene. Korleis blir samkonsultasjonene set opp og gjennomført ? Det er spesialisttenesten som har sett opp og gjennomfører konsultasjonane. Det er i forkant gjort avtale med partane om kva tidspunkt ein skal velje og kven som skal vere med. Konsultasjonen blir sett opp gjennom Norsk Helsenett, dvs kobla opp mot Helsenorge og pasientjournalen på sjukehuset. Det er såleies ein sikker kanal for alle partane. Partane har sjølvstendig journalplikt etter samkonsultasjonen, alternativt at ein av partane skriv referat og sender til deltakarane. Sjukehuset sender ut ein påkoblingslenke til dei som skal vere med. Dei treng då berre å opne lenken - det er ikkje naudsynt med bank ID eller andre tastetrykk. Dei frå kommunen som er med (i praksis fastlege/ heimesjukepleie /andre) og pasient/ pårørande kan kople seg på ved PC, nettbrett eller telefon, og kan såleies vere kor som helst. Nytteverdi Tilbakemeldingar så langt har vist at det blir; raskare vurderingarbetre logistikkspart reisetid og reisekostnaderbetre planlegging av tilbod ved utskriving. Forskning på samkonsultasjonar Gjennom Regionalt forskningfond Vestlandet, har Sunnfjord kommune fått forprosjektmidlar for å sjå på bruk og gjennomføring av samkonsultasjonane. Utviklinga av samkonsultasjonene her har skjedd parallellt med ei tilsvarande utprøving av samkonsultasjonar innen sårbehandling i Ullensvang/ Kvinnherad kommuner. Dette er og ein del av forskningsgrunnlaget. Rapport frå dette arbeidet vil ligge føre 1. kvartal 2024. Sunnfjord kommune er vertskommuneFleire kommunar i Vestland har no i samarbeid med Helse Førde og tidligare e- helse Vestland utvikla og teke i bruk digitale samkonsultasjonar innan psykisk helsevern. Utviklinga har skjedd som del av eit nasjonalt prosjekt, støtta av Helsedirektoratet.Planen vidareDet var Sogndal kommune og Indre Sogn psykiatrisenter som starta med utprøving av denne metodikken. Den vart raskt utvida til alle kommunane i Indre Sogn og deretter i alle kommunane i Helse Førde sitt opptaksområde (gamle Sogn og Fjordane). Bruk av samkonsultasjon er blitt meir vanleg også ved ordinære samhandlingsmøter der fleire partar deltek og ikkje berre i samband med utskriving. Senteret har og hatt eigne møter med Sogndal kommune som ønsker at vi større grad også brukar metodikken i andre situasjonar der det er hensiktsmessig. Bruk av samkonsultasjonar vil og bli spredt til andre kommunar gjennom etablerte forum og nettverk. Sist endra 30.01.2024 14.06