Mål 

Målet med berekrafitge helse, sosial og omsorgstenester 2032 er å rigge eit tenestetilbod som står seg for framtida. 

Vi står ovanfor store utfordringar i åra framover. Utfordringane krev store og raske omstillingar og tydelege prioriteringar. Knappe ressursar må forvaltast slik at også kommande generasjonar har tilgang på velferdsgoder. 

Eldre er friskare enn før

Eldre er friskare no enn før, og dermed blir også behovet for hjelp mindre. Likevel vil aukinga i tal eldre på sikt føre til at behovet for kommunale helse- og omsorgstenester vil auke. Over tid har det vore ei auke i ressurskrevjande helse, pleie- og omsorgstenester, særleg til yngre personar. Denne utviklinga legg stort press på sektorane i dag.

Berekraftig velferd

Ei grunnleggande utfordring i helse- og omsorgstenestene er at moglegheitene og ønskja overgår ressursane. Vi må i større grad utvikle eit samfunn som fremjar innbyggaren si fysiske og psykiske helse og eigenmestring. 

Kommunen vil vidareutvikle varierte tenestetilbod for alle grupper som treng det, og ta i bruk heile bredda av kommunale tenester for å sikre befolkninga gunnleggande og gode tenester. 

Ein føresetnad for berekraftige velferdstenester vil vere å forebygge og utsette at behova oppstår, slik at innbyggjarane betre kan meistre eigen kvardag. 

God helse skapast i hovudsak utanfor helsetenestene.  

Mangel på kompetanse og arbeidskraft

Den demografiske utviklinga vil føre til at vi manglar arbeidskraft og kompetanse i hele arbeidslivet. For kommunen blir det særleg utfordrande å sikre kompetent arbeidskraft mellom anna innan helse og omsorg. Eit lyspunkt er at fleire har søkt på sjukepleiarutdanning det siste året. 

Hardare tider bidreg til trongare økonomi og tøffare prioriteringar

Både internasjonale forhold og særtrekk i norsk økonomi påverkar dei økonomiske utsiktene for Noreg og kommunesektoren. Behovet for å finansiere helse- og omsorgstenester, klima- og miljøtiltak, samt forsvar og samfunnssikkerheit, vil auke meir enn staten sin finansieringsmoglegheit.