Planen er under arbeid og skal gjelde for 2026-2030. Den vil omfatte fire store tema som heng nøye saman:

• naturmangfald
• klimagassutslepp
• klimatilpassing 
• energiomstilling

Planen vil erstatte klimaomstillingsplan 2019-2030 og mobilitetsstrategi 2022-2025.

Sunnfjord kommune har starta arbeidet med kartlegging av strandsona. Dette skal gi betre kunnskap om naturmangfaldet og kva vi faktisk har igjen av natur langs fjordane og hovudvassdraga våre.

Prosjektet skal gi kommunen eit betre kunnskapsgrunnlag, til dømes for konsekvensutgreiing, fastsetting av byggegrenser og omsynssoner, og avgrensing av arealføremål i planarbeid.

Kommunen fekk skjønnsmidlar frå Statsforvaltaren til eit første steg i 2025. Strandsona langs hovudløpet til Jølstra, frå og med Kjøsnesfjorden til utløpet i Førdefjorden, er no kartlagt. 

I kartløysinga Natur i Sunnfjord kan ein sjå kva som er kartlagt av strandsone og kantvegetasjon.

• Presentasjon Sunnfjord kommune, politisk møte 22. april 2026 (PDF, 2 MB)
• Rapport - Kartlegging av Jølstravassdraget 4. mars 2026 (PDF, 5 MB)