Kva er gardskart?
AR5 er eit arealressurskart som viser areal etter arealtype, skogbonitet, treslag og grunnforhold. Det vil seie markslag som fulldyrka jord, overflatedyrka jord og innmarksbeite. Opplysingane i gardskartet er grunnlag for utbetaling av ulike tilskot i landbruket.
Her finn du gardskart
Søk opp eigedom på NIBIO sitt gardskart
Feil i gardskart? Meld i frå seinast 1. juni
Er gardskartet feil, eller du har nydyrka eller liknande, må du melde i frå til kommunen seinast 1. juni. Du melder i frå ved å sende kart, der arealet du vil ha endra er teikna inn. Kart med innteikna endringar, sender du på e-post til postmottak@sunnfjord.kommune.no eller i posten. Treng du hjelp til å skrive ut kart, kan du kome innom eitt av tenestetorga.
Kvifor frist?
Kommunane har frist til å oppdatere gardskartet i slutten av august. For at vi skal rekke synfaring, oppmåling og oppdatering i kart, må du sende kart innan 1. juni. Innmarksbeite bør også synfarast tidleg i vekstsesongen, for å vurdere krav til beitetolande urter og gras. Seinare på hausten kan plantane tape seg, og du kan risikere å ikkje få godkjendt innmarksbeitet ditt.
Kva om eg melder i frå om endring av areal etter fristen?
For å vere sikker på å få areala registrert i gardskartet, same år som endringa skjer, må du melde i frå seinast 1. juni. Dersom du melder i frå etter fristen, risikerer du at gardskartet ikkje vert oppdatert før neste år.
Har du spørsmål?
Du finn informasjon om kontinuerleg ajourhald på nettsida til NIBIO.
Kontaktpersonar