EigedomsoverdragingSkal du overta fast eigedom ved arv, gåve, kjøp eller stifting av bruksrett over 10 år, er overtakinga i utgangspunktet konsesjonspliktig. Det er fleire unntak frå konsesjonsplikta, der du kan levere eigenfråsegn om at du ikkje treng konsesjon. Konsesjonsfridom – eigenfråsegn om konsesjonsfridom Dei fleste eigedomsoverdragingar er konsesjonfrie. Det betyr at du ikkje treng å søkje om konsesjon når du overtek eigedommen. I staden leverer du eigenfråsegnskjema om at du ikkje treng konsesjon. Du leverer ferdig utfylt eigenfråsegnskjema til Sunnfjord kommune. Rettleiing for utfylling står på baksida av skjemaet. Kva erverv er konsesjonfrie? Du finn informasjon på Landbruksdirektoratet si nettside Kva skjema brukar eg? Du sender dette skjemaet til kommunen: Sjå skjema LDIR-360 Etter at Sunnfjord kommune har stadfesta at overdragina av eigedommen er konsesjonsfri, sender du dokumenta til Kartverk for tinglysing. Kontaktpersonar Tenestetorget: 57 72 20 00 Konsesjon Dersom overdraginga er konsesjonspliktig, må du søkje om konsesjon. Konsesjonspliktige eigedommar er landbrukseigedommar over 100 dekar. Du må og søkje om konsesjon dersom du overtek landbrukseigedom som har lovbestemt buplikt (frå nær familie), men du ikkje skal busetje deg på eigedommen. Korleis søkje? Du sender søknadsskjema til kommunen. Send også kopi av kjøpekontrakt og takst over eigedomen. Sjå skjema LDIR-359 Har du spørsmål? Du finn svar på Landbruksdirektoratet si nettside Kontaktpersonar Linn Hovlandsdal Joar Helgheim Handsamingsgebyr Gebyr for handsaming av konsesjonsaker er 5 000 kr i fylgje prisbok 2022. Buplikt Det er to former for buplikt i Sunnfjord kommune: Lovbestemt buplikt gjeld når du overtek landbrukseigedom frå nær familie, og eigedommen er over 35 dekar dyrka og/eller 500 dekar produktiv skog. Buplikt kan også setjast som vilkår for å få konsesjonen. Har du spørsmål? Du finn informasjon på Landbruksdirektoratet si nettside Driveplikt Driveplikt Grunneigar har driveplikt på jordbruksareal. Jordbruksareal er fulldyrka jord, overflatedyrka jord og innmarksbeite. Driveplikta kan oppfyllast ved vekkleige. Jordleigeavtalen skal vere skriftleg, og gjelde for 10 år om gongen. Du skal sende kopi av jordleigeavtale til kommunen. Meir informasjon Du finn informasjon på Landbruksdirektoratet si nettside Ny gardbrukar Velkomen som ny gardbrukar og eigar av landbrukseigedom i Sunnfjord kommune! Du finn oversikt over viktige spørsmål knytt til å eige og drive ein gard på Bondeboka. Sist endra 25.04.2023 08.56