Mellombels

Sunnfjord kommune har ei fritidskort-ordning som gir støtte til fritidsaktivitetar for barn og unge i husstandar med samla brutto årsinntekt under 560 000 kroner.

Kva er Fritidskortet og kven kan få det?

Fritidskortet er eit tilbod til born og unge i låginntektsfamiliar med bustadadresse i Sunnfjord kommune. Kvart barn kan få ein gratis fritidsaktivitet kvart år.

Fritidskortet bidrar til å dekke utgifter til medlemskap og aktivitetsavgift i kor, korps, idrett, 4H eller liknande. Aktiviteten må skje minst 10 gongar i løp av ein sesong.

Fritidskortet er for born og unge i husstandar som har ei samla brutto årsinntekt på under 560 000 kroner. Føresette må gje skriftleg stadfesting på at familien er i målgruppa for ordninga. Dette kan du gjere når du melder barnet på aktiviteten.

Eit fritidskort tilhøyrer kvart enkelt barn. Det kan ikkje bli overført til søsken eller andre barn.
Fritidskortet gjeld for barn og unge frå og med 6 til og med 18 år.

Korleis får eg Fritidskort til mine barn og korleis brukar vi det?

Søk om Fritidskortet

Bruk søknadsskjema for å søke om Fritidskort.
Plassar blir tildelt til midlane er brukt opp. Det er sett av 100 000 kroner i 2025.
Du må sende eit skjema per barn.
Vi ber om at berre husstandar med samla brutto årsinntekt under 560 000 kroner søker. Dette for at tilbodet skal gå til dei som treng det mest.
Søk om Fritidskortet her

Lag og organisasjonar som tilbyr bruk av Fritidskortet

(tomt no, men blir fylt etterkvart som arrangørar melder seg)

Idrett

Natur og friluftsliv

Kunst og handverk

Dans, kor og musikk

Registrer deg som arrangør av aktivitetar

Registrer laget eller organisasjonen i skjemaet.
Aktiviteten må føregå minimum 10 gonger i løp av sesongen, og strekke seg over fleire månader.
Aktiviteten må vere for barn og unge mellom 6-18 år.
Barna må få prøve aktiviteten før dei binder seg.
Trenarar skal ha gyldig politiattest.
For kvart barn mottar arrangør 800 kroner frå kommunen kvart år, for å dekke alle utgifter knytt til aktiviteten. Kostnader utover dette må arrangør dekke. Gjeld ikkje personleg utstyr. De sender ingen faktura til barnet som er påmeldt.
Arrangør sender faktura til kommunen på 800 kroner per barn. De vel sjølv om de vil sende fortløpande eller samla ved årsslutt 15. desember.

Sist endra 05.06.2025 12.19

Mellombels

Søk om Fritidskortet

Lag og organisasjonar som tilbyr bruk av Fritidskortet

Registrer deg som arrangør av aktivitetar

Kontakt