Målet med ordninga er å legge til rette for eit betre og tryggare skysstilbod for ungdom, der det ikkje er eksisterande rutetilbod. Det er fylkeskommunen som tildela LTU midlane etter søknad frå kommunane og ungdomsråda.

I 2025 har Sunnfjord kommune kr 100 000.- å dele ut etter fylgjande søknadskriterier: Ordninga er ope så lenge det er midlar tilgjengeleg.

• Søknadsfrist 7 dagar før arrangementet/aktiviteten

Kriteria for tildeling:

• Tiltaka skal vere tilpassa LTU sine mål og målgruppe og må vere ope for alle i målgruppa
• Tilbodet gjeld for ungdom 13 år (8.klasse)–19 år 
• Minimum tal passasjerar er 3 personar
• Eigenandel er 50 kroner pr person kvar veg
• Arrangement eller aktiviteten skal vere rusfri 
• Går det buss eller anna offentleg transport innan ein time, må ein nytte dette. Vi kan ikkje gi støtte til reiser som går i direkte konkurranse med eksisterande rutetilbod
• Vi kan ikkje gi støtte til turar som går ut av fylket eller inneber overnatting

Send søknad