Målgruppa (18-69år) er du som står i fare for å utvikle livsstilssjukdom, eller som alt har utvikla sjukdom, og treng oppfølging av helsepersonell til å endre levevanar og meistre sjukdom.

Fokusområda våre er fysisk aktivitet, sosiale møtepunkt, døgnrytme og søvn.

Opprette brukar eller melde deg på som gjest?

Det går fint å melde seg på som gjest kvar gong, men om du går på dei same aktivitetane ofte kan det vere greitt å opprette brukar.

Med brukar får du ei oversikt over kva du har meldt deg på og høve til å melde deg av.

Sjå aktivitetar og meld deg på

Vekeplan Friskliv Sunnfjord 

Målet med tilbodet er betre helse gjennom gode levevaner

Endring av vaner er utfordrande og krev systematisk innsats over tid. Frisklivssenteret vil vere ei starthjelp, og bidra med kunnskap og støtte for at du skal lukkast.

Oppfølgingstilbodet er samansett av individuell samtale, rettleiing og kurstilbod, gruppetrening og aktivitetstilbod. 
Deltakar og rettleiar vil i samarbeid lage ein plan for perioden.  

Kva kostar tilbodet

Du vil få ein frisklivsresept som varer i opptil 12 månader gratis. Deretter vil det koste 150 kroner kvar månad for å kunne delta på aktivitetane våre vidare.

Korleis få tilbodet

Du kan få tilvising til Frisklivssenteret gjennom lege, NAV eller anna helsepersonell. Du kan også ta kontakt på eige initiativ og tinge time – ring eller send e-post til Frisklivskoordinator Camilla Søvig.