Kven kan få tilbodet? 

For å søke om parkeringsløyve må du ha ei rørslehemming. Du må ha legeerklæring som dokumenterer at du ikkje kan gå eller har store vanskar med å gå over lengre avstandar. Du må kunne dokumentere behov for å parkere ved bustad, arbeid, legebesøk og andre aktivitetar.　

Slik søker du 

Du kan søke om parkeringsløyve både om du køyrer sjølv, eller om du er avhengig av å bli køyrd av andre.

Søk om parkeringsløyve for rørslehemma

Vedlegg du må legge ved søknaden

1. Passfoto. 
2. Kopi av førarkort dersom du søker som sjåfør.
3. Legeerklæring (PDF, 161 kB)som dokumenterer at du ikkje kan gå, eller har store vanskar med å bevege deg over lengre avstandar.

Kva får du?

Du får eit kort med namnet ditt og eit bilete av deg på. Du kan då bruke kortet i ulike bilar og parkere på stader som er merka for rørslehemma. Parkeringsbeviset er personleg og følgjer deg, ikkje bilen.

Kor lang tid tek det å behandle søknaden?

Vi behandlar søknaden så raskt som råd, og du får vanlegvis svar innan to veker. 

Har du spørsmål, ta kontakt med

Tenestetorga på telefon 57 72 20 00

Kan du klage om du ikkje får innvilga søknaden?

Dersom du får avslag, kan du klage på vedtaket. Informasjon om klage kjem fram i vedtaksbrevet.　　　

Forskrift　

• Forskrift om parkeringstillatelse for forflytningshemmede