Sunnfjordskulen leverer i dag ei teneste av høg kvalitet. Ei rekke kvalitetsindikatorar stadfestar dette. Elevane melder om høg trivsel, og lite mobbing på elevundersøkingar, og leverer gode faglege resultat. Vi har ein høg del elevar som fullfører vidaregåande opplæring, som kanskje er den viktigaste indikatoren. Med utgangspunkt i 19 nøkkeltal i sektoren Grunnskule landar kommunen på 42. plass på kommunebarometeret for 2022.  Sunnfjordskulen er med andre ord ein god skule.

Folketalframskrivingane til kommunen syner ein nedgang i tal elevar, og ein auke i tal eldre. Dette betyr at kommunen må omstille seg for å møte eit endra tenestebehov i kommunen. Det blir då viktig å sjå på kva grep ein kan gjere for å sikre den gode kvaliteten vi har i skulen, med endra vilkår som følge av demografiutviklinga.