Her finn du informasjon frå UDIR om administrering, førebuing og gjennomføring:

https://www.udir.no/eksamen-og-prover/eksamen/

Førebuingstida er del av eksamensavviklinga og er obligatorisk. Elevane har rett til å få rettleiing av faglærar desse skuledagane.

Våren 2023 skal skriftlig eksamen ha eksamen etter nye læreplanar. Engelsk og norskeksamen vil bli gjennomført i ein ny digital tjeneste. Her finn du eksempeloppgåver og meir informasjon. Elevar skal logge seg på via; kandidat.udir.no uavhengig av kva eksamen dei skal ha. Matematikkeksamen skal leverast digitalt, og skulane må skanne alle elevbesvarelsar og laste disse opp i eksamenssystemet. Det blir altså ikke papirbesvarelsar som skal sendast til sensorar i år. Sensorar skal bruke PAS til henting av elevbesvarelser.

Ein vil ha tilgang til eit utvalg hjelpemiddel som til dømes digitale læreverk, oppslagsverk og ordbøker.

• CD-ORD
• Gutenberg litteratur
• IntoWords Cloud
• Lexin Oslo met
• Lingit
• Lisensierte tenester
  • Aschehoug univers
  • Skolen
  • Skolestudio
  • LearnLab
• Matematikk
  • matematikk.org
  • Campus Increment
  • Lokus
  • Faktor
  • Geogebra
• NDLA
• Norsksidene
• Ordbøkene
• Ordnett
• Oxford dictionary
• Ressurssidene i Norsk
• Skrivesenteret
• Språkrådet
• SSB
• Store norske leksikon
• Thesaurus
• https://makecode.microbit.org

Matematikkeksamen er todelt, der ein i første del berre kan bruke skrivesaker, passar, linjal og vinkelskive. Under del 2 kan ein nytte same hjelpemiddel som i språkfaga, nemnt over.

• Alle hjelpemiddel som er i tråd med dei nasjonale retningslinjene for dei ulike trekkfaga, er lovlege.
• Tilrettelegging vert gitt til elevar der rektor har fatta vedtak på kva tilrettelegging som skal bli gitt. Det bør søkjast skriftleg om tilrettelegging før 1. april eksamensåret. Søknaden skal grunngi tilretteleggingsbehovet. Rektor sitt vedtak er retningsgivande for kva tilrettelegging eleven får. Tilrettelegginga skal etter § 3-32 i føreskriftene til opplæringslova ikkje gi eleven fordelar framfor andre som ikkje får tilrettelegging ved eksamen. Tilrettelegginga skal ikkje vere så omfattande at eleven ikkje blir prøvd i kompetansemåla i læreplanverket

• Eksamen i matematikk er delt i 2 delar. Under del 1 får elevane ingen hjelpemiddel. Under del 2 er alle hjelpemiddel tillat, og elevane skal bruke rekneark (excel) og  grafteiknar (geogebra).
• Du får utlevert del 1 og del 2 ved eksamensstart. Når du har levert inn del 1, ventar du på løyve frå eksamensvaktene til å ta fram andre hjelpemiddel og til å skru på PC.
• Du får utlevert kladdepapir som er stempla med skulen sitt stempel. Kladdepapir du har nytta, skal leverast inn saman med oppgåvesvara, og blir ikkje utlevert før prøva er slutt.
• Oppgåvesvara skal førast inn med blå eller svart penn.
• Unntak: Konstruksjon i matematikk skal førast med blyant. Forklaring og utrekning til konstruksjonsarbeid skal førast med penn.
• Kandidatnummer og namn på skulen skal førast på alle innføringsark og datautskrifter. Dette gjeld og svarark som er ein del av oppgåvesvaret. Alle innleverte svarark skal nummererast av eksamensvaktene.
• Kladdeark skal til vanleg ikkje følgje med innleveringa av oppgåvesvar. Dette kan leverast inn, dersom sjukdom eller annan rimeleg grunn har hindra eller seinka deg i arbeidet. Rektor tek avgjerd på om kladden skal leggjast ved innleveringa. I slike høve vil sensorane kunne sjå bort frå at ein del av svaret ligg føre på kladd.
• Før oppgåva di vert sendt til sensur, blir ho kopiert/tatt utskrift av. Kopi vert arkivert av skulen fram til sensur i juni same år. 

• Svara dine skal førast inn på det papiret, eller i IKT-malen, som du har fått til bruk.
• Du har sjølv ansvar for å lagre produsert arbeid undervegs, nytte dei oppgitte stilar og malar som er gitt, føre på kandidatnummer og sende eksamenssvar på opplyst måte.
• Om du har tekniske spørsmål undervegs i prøveavviklinga, får du hjelp og rettleiing til dette av IKT-personell ved skulen. Ta kontakt med ei av eksamensvaktene, som set deg i kontakt med IKT-tilsett.
• Når du er ferdig med arbeidet og ynskjer å levere oppgåvesvaret, gjev du teikn til ei av eksamensvaktene. Du vert sitjande på plassen din til eksamensvakta gjev deg lov til å gå frå lokalet.
• Eksamenen din skal kontrollerast av eksamensvakt (papireksamen) eller av IKT-personell (IKT-basert eksamen) før du leverer inn. Ved IKT-basert eksamen skal det takast utskrift av svaret ditt før det vert levert. Utskrifta vert arkivert av skulen fram til sensur i juni same år. 
• Førebuingsheftet og oppgåveheftet skal leverast til eksamensvakt før du går ut av eksamenslokalet.

• Du får 5 klokketimar til å utarbeide svara dine på. Ved alle skriftlege avgangsprøver kan du sitje i inntil 15 minuttar utover dei fem prøvetimane for å avslutte oppgåva di.
• Elevar med rett til tilrettelegging, får dette etter søknad til rektor med ev. naudsynt vedlegg (t.d. legeattest). For tilrettelegging må elev eller foreldre/føresette søkje skriftleg innan 1. april eksamensåret. (Merk: Det kan bli gitt inntil 1 time utvida prøvetid. I matematikk skal 20 minutt av tilleggstid leggjast til del 1 av oppgåva, og 40 minutt til del 2.) 

• Du set deg på den plassen du blir vist til straks du kjem inn i eksamenslokalet. Du må ikkje gå frå denne plassen utan løyve frå ei av eksamensvaktene.
• Det må vere heilt stilt og roleg i eksamensromma under arbeidet med oppgåvene. Ingen må på nokon som helst måte ta kontakt med andre elevar utover den tida som er avsett til samarbeid. Vend deg til ei av eksamensvaktene om du har spørsmål.
• Mobiltelefonar og andre kommunikasjonsmiddel kan ikkje nyttast under eksamen.  Lever inn avslått mobiltelefon, og eventuelle andre kommunikasjonsmiddel, når du møter opp i eksamenslokalet.
• Før prøva tek til, må du kontrollere at du ikkje av vanvare har teke med deg noko ulovleg hjelpemiddel.
• Det er ikkje mogeleg å forlate eksamenslokalet før klokka 10.00

• Eksamen i eit fag kan annullerast dersom eleven har fuska eller forsøkt å fuske ved eksamen. Dette gjeld også dersom det er sensorane som oppdagar fusk eller forsøk på fusk. Spørsmålet om annullering av eksamen i faget, skal avgjerast av rektor. Eleven skal ha høve til å uttale seg munnleg før rektor fattar enkeltvedtak om annullering av eksamen. Eleven har likevel rett til å fullføre eksamen på eksamensdagen. Enkeltvedtak om annullering av eksamen kan klagast til Fylkesmannen. For elevar som får eksamen annullert på grunn av fusk eller forsøk på fusk, fell standpunktkarakteren bort.
• Elevar skal ikkje hindre eller forstyrre gjennomføringa av eksamen. Dersom åtferda til ein elev er i strid med denne føresegna, kan eleven, etter å ha blitt åtvara, visast bort. Bortvising skal avgjerast av rektor sjølv og er eit enkeltvedtak som kan klagast til Fylkesmannen. Eleven skal ha høve til å uttale seg munnleg for rektor før rektor eventuelt fattar enkeltvedtaket om bortvising.
• Elevar og privatistar som møter opp til eksamen for seint, men før kl. 10.00, skal få gjennomføre eksamen, men dei skal ikkje få kompensert tapt tid. Dei som møter kl. 10.00 eller seinare, får ikkje gjennomføre eksamen.

• Ved sjukdom i førebuingstid må eleven dokumentere sjukdom med legeattest. Er eleven frisk på eksamensdagen, må elev/foreldre vurdere om eleven er godt nok førebudd for å møte til eksamen. Om elev ikkje møter på eksamen grunna sjukdom i førebuingstida, må sjukdom vere dokumentert med legeerklæring som skal leverast til skulen før eksamensstart.
• Dersom du ikkje kan møte til avgangsprøva på grunn av sjukdom eller anna, må skulen få beskjed snarast råd. Dersom du ikkje kan møte til fastsett prøvetid, skal du straks leggje fram attest frå lege til rektor. 

• Dersom det er gjort formelle feil ved avviklinga av eksamen, eller dersom eksamen av anna årsak ikkje er avvikla i samsvar med føresegnene, kan Utdanningsdirektoratet annullere eksamen.
• Dersom ein elev har vore oppe til eksamen i eit fag der han eller ho ikkje får standpunktkarakter, blir eksamen annullert.

Kriterier for å kunne klage finn du på Udir sine nettsider

Klagen sendast til rektor som sender klagen og elevens besvarelse vidare til Statsforvaltaren i Vestland fylkeskommune. Klageinstans for vurdering av sentralt gitt (skriftleg) eksamen er ei klagenemnd på 3 medlem oppnevnt av Statsforvaltaren jamfør Opplæringslova §5-9. Klagenemnda fastsetter eventuelt ny karakter.