Fram til no har 2314 veljarar i Sunnfjord kommune førehandsstemt.
Du kan velje om du vil førehandsstemme eller stemme på valgdagen 8. september, men har du førehandsstemt er det den som gjeld.
Du kan førehandsstemme ved kommunehusa
Førde tenestetorg, rådhuset
- Kl. 08.00–15.15 måndag til fredag i veke 33–35 (11.–29. august)
- Kl. 08.00–17.00 måndag til onsdag i veke 36 (1.–3. september)
- Kl. 08.00–18.00 torsdag og fredag i veke 36 (4. og 5. september)
Skei tenestetorg, Sande kommunehus og Naustdal helsesenter (bygg K)
- Kl. 09.00–15.00 måndag og torsdag i veke 33–35 (11.–28. august)
- Kl. 09.00–15.00 måndag til onsdag i veke 36 (1.–3. september)
- Kl. 09.00–17.00 torsdag og fredag i veke 36 (4. og 5. september)
-
Laurdagsope 30. august
Du kan førehandsstemmer laurdag 30. august, kl. 12.00-16.00 på følgande stader:
- Alti Førde (storebrua/skywalken)
- SPAR Jølstraholmen
Førehandsstemme i Vevring og Naustedalen
For valet i 2025 vart stemmekrinsane endra. Vevring og Naustedalen krins er slått saman med Naustdal krins.
Sidan det ikkje blir vallokale i Vevring og Naustedalen på valdagen, blir det lagt til rette for mottak av førehandsstemmer ved:
- Dalen næringssenter, tysdag 26. august, kl. 15.00–17.00
- Nærbutikken Vevring, onsdag 27. august, kl. 15.00–17.00
Stemme heime eller der du er
Om du på grunn av sjukdom eller uførleik ikkje kan stemme i eit vallokale, kan du søke om å førehandsstemme heime eller der du oppheld deg.
Å stemme heime skjer nesten på same måte som i et vallokale:
- To valmedarbeidarar kjem heim til deg og har med seg nødvendig utstyr, inkludert eit stemmesetelsett med alle partia som stiller til val og blank.
- Du skal usett velje stemmesetelen du ønsker å stemme på.
- Valmedarbeidaren sjekkar legitimasjon, og stemplar stemmesetelen.
- Du slepp stemmesetelen ned i urna. Valet er hemmeleg, så du beheld sjølv stemmesetlane du ikkje brukar.
Send søknad innan 4. september
Fristen for å søke om å stemme heime er torsdag 4. september, klokka 12.00.
Fyll ut søknadsskjema
Ring sentralbordet 57 72 20 00 om du treng hjelp til å fylle ut skjemaet.
-
Sametingsvalet
Du kan førehandsstemme til sametingsvalet i dei same vallokala for stortingsvalet.
Om du er manntalsført og vil stemme ved sametingsvalet må du kontakte ein valmedarbeidar i vallokalet for å få utlevert stemmesetlar.
Sjå meir informasjon om sametingsvalet på Sametinget sine nettsider.
Andre måtar å førehandsstemme på
Kommunen legg til rette for mottak av førehandsstemmer ved følgande helse- og sosialinstitusjonar:
- Naustdal omsorgssenter, fredag 29. august, kl. 11.00–13.00
- Sande omsorgssenter, fredag 29. august, kl. 11.00–13.00
- Førde omsorgssenter, måndag 1. september, kl. 11.00–13.00
- Skei omsorgssenter, tysdag 2. september, kl. 09.30–11.30
- Vassenden heimeteneste (base), tysdag 2. september, kl. 13.00–15.00
- Førde sentralsjukehus, onsdag 3. september, kl. 10.00–13.00
I tidsrommet ovanfor blir det ope mottak på eige rom. Då har alle høve til å stemme, både bebuarar, tilsette, pårørande og andre. Etterpå vil stemmemottakarane besøke rommet til brukarar/pasientar som ønsker det.
Tilsette ved institusjonane kan stadfeste bebuaren eller pasienten sin identiet om dei ikkje har legitimasjon.
Kommunen legg til rette for mottak av førehandsstemmer ved følgande utdanningstitusjonar:
- Høgskulen på Vestlandet, Campus Førde, torsdag 28. august, kl. 11.00–13.00
- Førde vgs. torsdag 28. august, kl. 11.00–13.00
- Førde vgs. avdeling Mo, fredag 29. august, kl. 11.00–13.00
Assistanse og hjelp i valavlukket
Om du treng assistanse til å stemme kan valmedarbeidar eller ein annan person du sjølv vel ut hjelpe deg. Både valmedarbeidar og sjølvvald hjelpar har teieplikt dersom dei får innsikt i kva du ønsker å stemme på.
Veljarar som bur eller oppheld seg i utlandet kan førehandsstemme på norske ambassadar, og andre utenriksstasjonar eller oppnemnte stemmemottakarar frå 1. juli til 29. august.
Dersom du er i utlandet, men ikkje har moglegheit til å oppsøke ein stemmemottakar, kan du stemme med brevpost.
Fristen for å førehandsstemme i utlandet er 1. september, men du er sjølv ansvarlig for å stemme så tidleg at stemma kjem fram til riktig kommune seinest 9. september, kl. 17.00. Hugs derfor å stemme så tidleg at stemma kjem fram i tide med normal postgang.
Det kjem informasjon om kvar du kan stemme i utlandet på valglokaler.no.
Les meir om å stemme frå utlandet på valg.no.
Bur du utanfor Sunnfjord kommune?
Nettsidene til valdirektoratet, valglokaler.no, blir oppdatert med oversikt over vallokale for førehandstemming i andre kommunar.
Meir informasjon om valet?
Les meir om stortings- og sametingsvalet på Valdirektoratet sine nettsider