Formål og samarbeidsområde
Rådet sitt føremål er å arbeide med saker av felles interesse for kommunane, fremme kommunane og regionen sine interesser overfor myndigheiter og andre premissleverandørar, avgi felles uttale i saker som er viktige for deltakarkommunane og regionen, og skape kreative arenaer der næringsliv, forsking og utdanningsmiljøa, og offentlege myndigheiter kan samhandle. Kommunane vil også samarbeide om interesser dei har som felles bu, arbeids,- og serviceområde.
Rådet vil særleg rette merksemda mot den regionale utviklarrolla og inngå som ein samarbeidsaktør med Vestland fylkeskommune, vise korleis vi kan vere med å balansera by/land-utfordringane, framheve moglegheiter og styrker lokalt, sikre regionale fagnettverk, og utfordre fylkeskommunen som arena for samarbeid mellom råda i Vestland.
Arbeidet i rådet vil vere basert på konsensus.
Sunnfjord (SiS)
SiS vart etablert av kommunane Jølster, Gaular, Naustdal, Flora og Førde. Frå 2020 gjekk fire av desse saman til Sunfjord kommune medan kommunane Flora og Vågsøy etablerte Kinn kommune. SiS er frå 2022 lagt ned og arbeidet og satsinga flytta over til Fjordane interkommunalt politisk råd.
Prøveprosjekt
FIPR gjeld i første omgang som eit treårleg prøveprosjekt der vi testar ut korleis dette rådet vil kunne vere strategisk relevant, aktivt og synleg for regionen. Samstundes må rådet opptre innanfor ein større regional kontekst, først og fremst som ein viktig aktør i Vestland fylke, for å kunne nå nye felles mål. Rådet skal òg vere ein synleg nasjonal og internasjonal aktør.
Fjordane interkommunalt politisk råd er forankra med likelydande vedtak i alle dei ti kommunane. Det er utarbeidd ein samarbeidsavtale i form av vedtekter med heimel i kommunelova § 18-4. Rådet skal søke om å få delta i Vestland fylkeskommune sitt nettverk for regionråd og interkommunalt politiske råd. Kommunane er òg opptekne av at det blir inngått partnarskapsavtale med fylkeskommunen. Kommunedirektørane får ansvar for å organisere eit sekretariat og utarbeide søknad om driftstilskot.
Samarbeidsforum for Sunnfjord (SiS) som bestod av fem kommunar, er avslutta. For Nordfjord ønskjer kommunane at Nordfjordrådet framleis skal bestå, men då meir som ein meir tydleg utviklingsaktør. HAFS kommunane vil bruke 2022 til å avslutta regionrådet.
Fjordane interkommunalt politiske råd vil vere den sentrale møteplassen for regionale nettverk, presentere viktige samfunnsutfordringar, vere ein framtidsverkstad, utforske og teste ut nye visjonar, synleggjere innovative idear og ein stad for å bygge relasjonar i regionen og i Vestland.
Fjordane interkommunalt politiske råd vil vere den sentrale møteplassen for regionale nettverk, presentere viktige samfunnsutfordringar, vere ein framtidsverkstad, utforske og teste ut nye visjonar, synleggjere innovative idear og ein stad for å bygge relasjonar i regionen og i Vestland.
Fjordane interkommunalt politiske råd er organisert med eit representantskap, styre, og arbeidsutval. Ordførarane i dei ti kommunane, med varaordførar som personleg vara, deltek i styret. I tillegg vert det etablert eit eige kommunedirektørutval.
Når det gjeld sekretariat, vert det etablert til den eller dei kommunane styret avgjer. Sekretariatet utfører arbeid i samråd med styret sin leiar.
Kontaktperson
Frå Sunnfjord kommune vil Trond Ueland vere kontaktperson og delta i sekretariatet