Overføring av informasjon mellom barnehage og skule og SFO

Det nedfelt både i barnehagelova § 2a og opplæringslova § 13-5 at det skal vere eit samarbeid mellom barnehage og skule og SFO om overgangen til skule

Kommunen har utarbeidd eit årshjul/plan for å sikre ein god overgang mellom barnehage og skule: 

• Foreldre skal samtykke til informasjonen som blir gitt til skule og SFO
• Barnehagen har ansvar for å sende informasjonen som er avtalt med foreldre til skulen 
• For barn med spesialpedagogisk hjelp blir overføring av informasjon starta hausten før skulestart
• Det blir vurdert og lagt ein plan for korleis overgangen frå barnehage til skule bør vere for det enkelte barnet
• Vinteren før skulestart kallar styrar inn til eit overføringsmøte der foreldre, barnehage og skule deltek
• Nytt møte i perioden mai-juni om endringar det er behov for å ta omsyn til, foreldre, barnehage, skule og SFO deltek 

Mål ved overgang:

• Sikre tidleg innsats for barn med spesialpedagogisk hjelp eller tilrettelegging
• Det skal vere ein trygg overgang for barn og foreldre
• Barn og foreldre skal ha medverknad i prosessen
• Skulen skal vere godt førebudd til å ta i mot ditt barn

Barnehagen har ansvar for å sende informasjonen som er avtalt med foreldre til skulen. 

Overføring av informasjon mellom barneskule og ungdomsskule

Nokre elevar går på same skule gjennom heile grunnskulen, mens andre bytter skule når dei skal byrje på ungdomsskulen. Det er nokre elevar som bytter skule mellom 5. klasse og 6. klasse. Det vil vere same rutine i overgangen for desse elevane som mellom barneskule og ungdomsskule.

Kommunen har utarbeidd eit årshjul/plan for å sikre ein god overgang mellom barnehage og skule: 

• Foreldre skal samtykke til informasjonen som blir gitt til ny skule
• For elev med spesialundervisning blir overføring av informasjon starta hausten før skulestart
• Det blir vurdert og lagt ein plan for korleis overgangen til ny skule bør vere for den enkelte eleven
• Vinteren før nytt skuleår kallar rektor frå avgjevarskule inn til eit overføringsmøte der eleven, foreldre, avgjevar- og mottakarskule deltek
• Nytt møte i perioden mai-juni om endringar det er behov for å ta omsyn til, eleven,  foreldre, avgjevar- og mottakarskule deltek 

Vedtak om spesialundervisning i overgangen

• Elevar som har spesialundervisning på barneskulen skal ikkje starte på ungdomsskulen med vedtak
• Ungdomsskulen skal først prøve ut tiltak innanfor det ordinære opplæringstilbodet
• Tiltaka som blir sett inn skal evaluerast for å vurdere om behovet til eleven har endra seg
• Dersom det blir konkludert med at det er behov for spesialundervisning skal ungdomsskulen ha dialog med foreldre/elev og PPT
• I dialogen blir det vurdert om det skal tilvisast PPT for sakkunnig vurdering

Plikta til å prøve ut tiltak før tilvising til PPT gjeld ikkje i dei tilfella der det etter skulen si vurdering er openbert at tiltak innanfor det ordinære opplæringstilbodet ikkje vil føre til at eleven får eit tilfredsstillande utbytte. I desse tilfella skal det vere dialog mellom foreldre/elev, PPT og skule før tilvising.

Dette kan også vere aktuelt ved ein eventuell overgang frå ein barne- eller ungdomsskole til ein annan skule.

Mål ved overgang:

• Sikre tidleg innsats for elevar med spesialundervisning
• Det skal vere ein trygg overgang for elev og foreldre
• Elev og foreldre skal ha medverknad i prosessen
• Skulen skal vere godt førebudd til å ta i mot din elev

Avgjevarskulen har ansvar for å sende informasjonen som er avtalt med foreldre til mottakarskulen 

Overføring av informasjon mellom ungdomssskule og vidaregåande opplæring

Når elevane startar i vidaregåande opplæring er det fylkeskommunen som er skuleeigar. Sidan det er ny skuleeigar, kan ikkje informasjonen frå grunnskulen overførast til vidaregåande opplæring utan samtykke.

Når elevar har fylt 15 år, er det eleven sjølv som samtykker.

Kommunen har utarbeidd eit årshjul/plan for å sikre ein god overgang mellom ungdomsskule og vidaregåande opplæring: 

• Foreldre/elev skal samtykke til informasjonen som blir gitt til ny skule
• I september er det avklaringsmøte mellom elev, foreldre og ungdomsskule for dei elevane som skal søke fortrinnsrett til vidaregåande opplæring (Gjeld for elevar som kjem under §§ 6-15 og 6-17 i forskrift til opplæringslova)
• Det blir vurdert og lagt ein plan for korleis overgangen til ny skule bør vere for den enkelte eleven
• Vinteren før nytt skuleår kallar rektor frå avgjevarskule inn til eit overføringsmøte der eleven, foreldre, avgjevar- og mottakarskule deltek
• Nytt møte i perioden mai-juni om endringar det er behov for å ta omsyn til, eleven,  foreldre, avgjevar- og mottakarskule deltek 

Tabellen under syner korleis prosessen for å søke skuleplass til vidaregåande opplæring er for elevar med spesielle behov:

Mål ved overgang:

• Sikre tidleg innsats for elevar med spesialundervisning
• Det skal vere ein trygg overgang for elev og foreldre
• Elev skal ha medverknad og foreldre kan ha medverknad i prosessen
• Skulen skal vere godt førebudd til å ta i mot eleven

Avgjevarskulen har ansvar for å sende informasjonen som er avtalt med eleven/foreldre til mottakarskulen. 

Overføring av informasjon mellom barnehage og barnehage

Bytte av barnehage kan vere både internt i kommunen eller til ein barnehage i ny kommune. Det er same rutine for både internt og eksternt bytte av barnehage.

Kommunen har utarbeidd eit årshjul/plan for å sikre ein god overgang mellom barnehage og barnehage: 

• Foreldre skal samtykke til informasjonen som blir gitt til mottakarbarnehagen
• Det blir vurdert og lagt ein plan for korleis overgangen bør vere for det enkelte barnet

Mål ved overgang:

• Sikre tidleg innsats for barn med spesialpedagogisk hjelp
• Det skal vere ein trygg overgang for barn og foreldre
• Barn og foreldre skal ha medverknad i prosessen

Avgjevarbarnehagen har ansvar for å sende informasjonen som er avtalt med foreldre til mottakarbarnehage.

Overføring av informasjon mellom skule og skule

Bytte av skule kan vere både internt i kommunen eller til ein skule i ny kommune. Det er same rutine for både internt og eksternt bytte av skule.

Kommunen har utarbeidd eit årshjul/plan for å sikre ein god overgang mellom skule og skule: 

• Foreldre (elev over 15 år) skal samtykke til informasjonen som blir gitt til mottakarskulen
• Det blir vurdert og lagt ein plan for korleis overgangen bør vere for den enkelte elev

Mål ved overgang:

• Sikre tidleg innsats for elev med spesialundervisning
• Det skal vere ein trygg overgang for elev og foreldre
• Elev/foreldre skal ha medverknad i prosessen

Avgjevarskulen har ansvar for å sende informasjonen som er avtalt med elev/foreldre til mottakarskulen.

Utsett skulestart

I opplæringslova er det nedfelt at barn som ikkje er kome tilstrekkeleg langt i utviklinga si til å starte på skulen har rett til å utsetje skulestarten 1 år. 

PPT skal skrive ein uttale som ligg til grunn for vurdering om utsett skulestart.

Slik er rutinane for utsett skulestart:

• Foreldre og barn byrjar dialogen om utsett skulestart ved oppstart til siste barnehageåret (barn 5 år)
• Foreldre søker kommunen om utsett skulestart, seinast 1. desember året før skulestart
• PPT vurderer og skriv ein uttale
• Uttalen frå PPT, saman med eventuell anna dokumentasjon er grunnlaget for vedtaket
• Sunnfjord kommune fattar eit vedtak, enden blir den innvilga eller avslått
• Vedtaket skal vere klart seinast februar året før barnet skal til på skulen

Opplæringslova § 2-1, tredje ledd; Rett og plikt til grunnskuleopplæring

Framskoten skulestart

I opplæringslova står nedfelt at foreldre kan søkje eller samtykke om at barnet kan byrje på skulen eit år tidlegare dersom barnet er fylt 5 år før 1. april. 

PPT skal skrive ein uttale som ligg til grunn for vurdering om framskoten skulestart.

Slik er rutinane for framskoten skulestart:

• Foreldre og barn byrjar dialogen om framskoten skulestart ved oppstart det barnehageåret barnet er 4 år
• Foreldre søker kommunen om framskoten skulestart, seinast 1. desember året før skulestart
• PPT vurderer og skriv ein uttale
• Uttalen frå PPT, saman med eventuell anna dokumentasjon er grunnlaget for vedtaket
• Sunnfjord kommune fattar eit vedtak, enden blir den innvilga eller avslått
• Vedtaket skal vere klart seinast februar året før barnet skal til på skulen

Opplæringslova § 2-1, tredje ledd; Rett og plikt til grunnskuleopplæring