Opplæringslova § 2-2 fjerde ledd:
«Kommunen kan gi ein elev permisjon frå skolen dersom eleven får ei opplæring som samla sett er forsvarleg. Kommunen gir forskrift om permisjon frå skolen.»
Den nye lova gir ikkje elevar rett til permisjon.
Der opplæringslova tidlegare var tydeleg på at elevar berre kunne få permisjon i opp til 10 dagar, er lova no utforma slik at det er opp til kommunestyret å definere korleis ein skal handsame søknadar om permisjon.
Den 20. juni vart den lokale forskrifta vedteke av Sunnfjord kommunestyre.
Forskrift om permisjon frå grunnskuleopplæringa
Kva står i den lokale forskrifta?
- Alle elevar skal få den opplæringa dei har rett og plikt til.
- Alle søknadar skal bli behandla likt.
- Permisjonar som vert gjeve er forsvarleg.
- Foreldre skal søke ein månad før permisjonsperioden startar.
- Elevar som tilhøyrer eit anna trussamfunn enn Den norske kyrkja får permisjon på heilagedagar.
- Elevar får permisjon til behandlingsreiser om det er forsvarleg.
- Tidlegare fråvær blir tatt med i vurderingsgrunnlaget.
- Det blir normalt ikkje gjeve permisjon til ferie, treningssamlingar eller liknande.
- Det blir ikkje gitt permisjon dersom eleven skal førebu seg til, eller gjennomføre statlege kartleggingsprøvar, nasjonale prøvar, eksamen eller andre sentrale vurderingar.
Kva betyr dette i praksis?
Skulen kan gje permisjon frå den pliktige opplæringa om eleven samla sett får ei forsvarleg opplæring. I vurderinga av om permisjonen er forsvarleg, blir det gjort ei individuell vurdering av fråværet si betydning for den enkelte eleven.
Foreldre vil kunne oppleve at regelverket er strengare. Det er tydeleg presisert i forskrifta at det mellom anna ikkje blir gitt permisjon til ferie.
Ein kan oppleve at rektor gir ulike vedtak til elevar som søker om lik permisjon på likt grunnlag. Dette kan skje då forskrifta er tydeleg på at det skal vere ei individuell vurdering av kva som er forsvarleg for den enkelte eleven. Tidlegare fråvær og fagleg/sosial læring kan vere faktorar som tilseier at det er forsvarleg for ein elev å få permisjon, men ikkje for ein annan. Sjølv om konklusjonen er ulik er det likebehandling, då vurderinga er lik.
Fråvær ved sjukdom, gravferd, legetimar og liknande blir ført i foreldre-appen "Min Skole".
Korleis søker eg?
Du søker via elektronisk søknadsskjema, eller ved å sende brev til skulen din. Det er viktig at saka er så opplyst som mogleg, slik at den som saksbehandlar har all relevant informasjon. Vedlegg kan lastast opp i skjemaet.
Vi tilrår at du opnar skjema i andre nettlesarar enn Edge, grunna teknisk feil.
Søknadsskjema for permisjon
Har du spørsmål om permisjon eller korleis du søker? Ta kontakt med skulen.
Spørsmål og svar om permisjon
Når de søker om permisjon nyttar de skjema som ligg på kommunen si nettside. Pass på at saka er så opplyst som mogleg, og at all relevant dokumentasjon er lagt ved.
Dersom du tar eleven ut av skulen sjølv om det er gitt avslag på ein permisjonssøknad, vil eleven få ugyldig fråvær i perioden. Fråværet vil bli ført på vitnemålet dersom eleven går på ungdomssteget. Eleven mistar retten til grunnskuleopplæring, tilsvarande fråværet. Elevar med rett på individuellt tilrettelagt opplæring, vil ikkje ha rett på å få att timar som går tapt i fråværsperioden. Skulen vil ikkje lage eigne planar for opplæringa i perioden eleven har ugyldig fråvær.
Vedtak om permisjon er eit enkeltvedtak. Du kan klage på vedtaket innan tre veker. Saka vil bli vurdert på nytt, og dersom det er nye opplysningar i saka vil dei bli tatt med i denne vurderinga. Om klagen ikkje blir tatt til følge vil saka bli lagt fram i Utval for oppvekst og kultur. Utvalget vil sjå på saka (som er anonymisert) og gjere vedtak om klagen blir tatt til følge eller ikkje. Dersom klagen ikkje blir tatt til følge, går den vidare til Statsforvaltaren i Vestland for endeleg vedtak. Vedtaket frå Statsforvaltaren kan ikkje påklagast.
Sjølv om to elevar i same klasse søker om permisjon i same periode, vil ein kunne oppleve at konklusjonen i vedtaket er ulik. Rektor skal vurdere kvar enkelt søknad individuelt, og skal vurdere om det er forsvarleg for den enkelte elev å få permisjon i perioden. I denne vurderinga vil rektor sjå på tidlegare fråvær, fagleg og sosial utvikling og om elevane har planlagde vurderingar som er viktige.
Elevar har ikkje rett på permisjon til deltaking i nasjonale meisterskap, men forskrifta opnar for at rektor kan gi persmisjon dersom det er forsvarleg. Det betyr at to elevar i same klasse i teorien kan få ulikt vedtak då rektor må ta høgde for tidlegare fråvær, fagleg og sosial læring og anna i si vurdering i søknaden. Elevar vil få lik sakshandsaming, men kan få ulikt vedtak.
Som hovdregel får ikkje elevar fri til å reise på treningssamlingar. I forskrifta står det:
Det kan etter ein individuell og skjønnsmessig vurdering bli innvilga permisjon til deltaking i spesielle arrangement og markeringar knytt til politisk arbeid, organisasjonsarbeid, familie eller deltaking ved idrettsleg eller kulturell konkurranse/stemne/samling på nasjonalt nivå.
Denne formuleringa må ein forstå som at ei idrettsleg samling på nasjonalt nivå kan vere grunnlag for å innvilge ein permisjon, men at det må vere eit spesielt arrangement, og at det skal vurderast som forsvarleg for den eklelte elev.
I særlege tilfelle kan søknadar som kjem inn etter fristen bli behandla. Det vil vere i dei tilfella foreldre ikkje har hatt mogelegheit til å vere i forkant.
Forskrifta seier at det normalt ikkje skal bli gitt fri til feriar. Denne situasjonen avviker frå kva som er normalt for ein familie, og rektor kan vurdere at det er til det beste for eleven å få innvilga permisjon til ein ferie, dersom det er forsvarleg i høve elevens faglege og sosiale læring, samt tidlegare fråvær. Det bør leggast ved dokumentasjon frå arbeidsgivar om at ein ikkje har anledning til å ta ut ferie i skuleferien.
Det vil som hovudregel ikkje bli gitt permisjon til feriar. Dersom det er heilt spesielle forhold som gjer til at ferien må avviklast utanfor skuleferien kan ein søke om permisjon. Dømer på slike tilfeller kan vere:
- Familien har vore belasta med sjukdom i skuleferien, og har ikkje fått anledning til å reise.
- Samlivsbrudd som gjer til at barna ikkje har fått anledning til å feriere saman med forelder.
- Andre særlege grunnar
Det blir ikkje gjeve permisjon på grunnlag av at det er billigare å reise utanfor skuleferien.
01. August 2024 vart ny opplæringslov gjeldande. I nytt lovverk vart kommunane plikta til å utarbeide ei lokal forskrift om permisjon frå grunnskuleopplæringa. Dette sikrar likebehandling i skulane.
Regelverket seier at skulen kan innvilge permisjon frå den pliktige opplæringa om eleven samla sett får ei forsvarleg opplæring. Ved vurderinga av om permisjonen er forsvarleg må det gjerast ei individuell vurdering av fråværets betydning for den enkelte elev.
I følge forarbeida skal det leggast vekt på elevens læringsutbytte, kva som skal skje på skulen i permisjonstida, til dømes om det er nasjonale prøvar eller andre prøvar, og om foreldra vil sørge for tilfredstillande opplæring i permisjonstida. I tillegg må skulen vurdere kva som er det beste for eleven, og kva som elevens eiga mening.
Søknadar som kjem inn etter firsten vil ikkje bli behandla. Dette praktiserast strengt då rektor må ha tilstrekeleg med tid til å vurdere søknaden, og for å sikre ei forsvarleg sakshandsaming etter forvaltningslova. Forskrifta opnar likevel for at søknaden kan bli behandla etter fristen om det ikkje har vore mogleg for foreldre å søke på eit tidlegare tidspunkt.