Nytt omsorgssenter i Førde

Sunnfjord kommune skal bygge nytt omsorgssenter som skal stå klart i 2030. Omsorgssenteret skal vere i Førde og vi skal ha minst 70 plassar. Sunnfjord kommune har i dag ca. 400 personar med demenssjukdom – i 2040 vil dette talet vere 800. Vi skal derfor bygge eit demensvenleg omsorgssenter.  

Dette jobbar vi med no

  • Det er lagt fram ein rapport frå arbeidspakke 2: Behovsanalyse - innhald i nytt omsorgssenter
     
  • Behovsanalysen vart handsama i kommunestyret 26.02.25 med følgjande vedtak: 
    Rapporten “Behovsanalyse - innhald i nytt omsorgssenter” vert teken til vitande. Kommunen planlegg eit nytt omsorgssenter i Førde som eit moderne og fleksibelt bygg, med særleg vekt på demensvenlege institusjonsplassar. Dei to institusjonane i Førde må sjåast i samanheng og mogelegheitene for å legge til rette for samlokalisering av heimetenester, rehabiliteringsog korttidsplassar, samt nødvendige støttefunksjonar skal vurderast. Formannskapet og Utval for helse og omsorg blir involvert i arbeidet med å ferdigstille Kvalitet og kapasitet i helse og omsorg.
     
  • Det er endeleg bestemt at nytt omsorgssenter skal byggast på tomta til Førde barneskule. Dette vart handsama i kommunestyret 26.02.25: 
    Sunnfjord kommunestyre vedtek at ny institusjon i Førde skal lokaliserast på tomta til Førde barneskule, i tråd med vedtak i sak KST 085/24 og vurderingane i denne saka.
    Planlegginga skal ta utgangspunkt i eit nytt, demensvennleg institusjonsbygg med 70 plassar og naudsynte støttefunksjonar, med moglegheit for trinnvis utbygging ved behov. 
    Behovsanalysen og resultatet av prosjektet «Kvalitet og kapasitet i helse og omsorg 2026 – 2040» skal takast omsyn til når det gjeld innhald, omfang og funksjonar i den nye institusjonen.  
    Kommunedirektøren får fullmakt til å starte arbeid med reguleringsplan for barneskule­tomta og eksisterande omsorgssenter for å sikre framtidig arealbruk for tenestetilbodet innan helse og omsorg.
     
  • Mars 2026: Vi startar no arbeidet med reguleringsplan for området
Mann med briller illustrasjon - Klikk for stort bilete

 

Kort om byggeprosjektet

Sunnfjord kommunestyre vedtok 22. september 2022 bustadsosial handlingsplan for perioden 2022–2030. Eitt av tiltaka i planen er at det vil bli bygd nytt omsorgssenter i Førde innan 2030. Omsorgssenteret skal ha minst 70 plassar og vere demensvenleg.  

I kommunestyremøte 26.09.24 vart det gjort følgjande vedtak: 
“ Tomta ved Førde barneskule vert valt som tomt for nytt omsorgssenter i Førde.”

Prosjektet er starta og er organisert i tre arbeidspakkar.
 

Aktuelt

Kontakt

Profilbilde av Liv Janne Bell Jonstad
Liv Janne Bell Jonstad
Einingsleiar Fagutvikling
Telefon 57 61 26 59
Mobil 90 98 00 67