Danseverkstedet presenterer: Nøtteknekkaren 

Bli med inn i ei magisk verd full av eventyr, fengande musikk og dans! "Nøtteknekkaren" av Tsjajkovskij er den ultimate juleklassikaren som trollbind både born og vaksne verda over, og i år kan du oppleve denne klassiske balletten i Storsalen på Førdehuset.

Med 120 lokale born og unge frå Danseverkstedet og Sunnfjord kulturskule på scena, akkompagnert av levande musikk frå distriktsmusikarar i Sunnfjord og Gloppen, tek vi deg med på ei uforglemmeleg reise. Dette er ei unik framsyning der levande musikk møter ekte danseglede og skapar ei magisk oppleving for både store og små. 

Møt Clara, Nøtteknekkarprinsen, Musekongen, Sukkertøyfeen og dei levande, dansande dokkene i dette eventyrlege juleeventyret.

Framsyningar:
Fredag 29. november 2024 kl. 18.00
Laurdag 30. november 2024 kl. 15.00

Stad: Storsalen, Førdehuset

Billettprisar:
Vaksne: 350 kr
Born: 150 kr

Kjøp billettar på www.fordehuset.no

Framsyninga er eit samarbeid mellom Danseverkstedet i Førde, distrikstmusikarane i Sunnfjord og Gloppen, Teater Vestland og Sunnfjord kulturskule