Symjehallen i Førdehuset rundar 50 år, og er ikkje lenger i god stand. Det er først og fremst på undersida av golv og basseng at skadane er mest synlege. Kommunen har i 2025 merka, målt og følgt med på skadane og ser at skadane veks i omfang.  

Nokre skadar er så store at vi henta inn Sweco for å få vurdert om det er forsvarleg å bruke bassenget.  Rapport på dette kom i desember 2025. Sweco tilrådde å stenge bassenget slik det står no.  Det blir anbefalt strakstiltak, og vidare tiltak som må settast i gang i løp av to år. 

Strakstiltak

Betongsøyle som er berande for dragar i betong, har klovna og det skallar av betongstykke.  Søyla er vesentleg svekka og må bytast ut.
Det er midlertidig sett opp åtte forskalingssøyler for avlasting inn til denne søyla, og bassenget kan brukast undervegs i arbeidet med å byte ut betongsøyla.

Betongplate (golv rundt basseng) har skalla av mykje betong på underside, og armering rustar.  Skadane er størst inn til oppleggs-punkt for betongplata, der også skjerkreftene er størst. Her er det også sett opp midlertidige forskalingssøyler for avlasting.

Tiltak som må på plass innan to år

Innan 2 år, etter strakstiltak må bassenget få ei vesentleg utbetring for å kunne fungere i ein 30 års periode. Ein vesentleg reparasjon vil vere:

• Elektrokjemisk behandling av betong og armering, som stoppar rust, trekke ut klorid og aukar PH-verdi i betong. Inngår i kostnadsalternativ A, men ikkje i alternativ B.
• Utbetre avskaling, sprekker og riss i betong, og erstatte armeringsjern som er har for store rustskadar.
• Fjerne keramiske flisar og erstatte dei med Acryl smøremasse. Bassenget er ikkje eigna for bruk av duk eller stål-kar.

Kostnadar

Kritiske punkt som krev straksreparasjon: kr. 150.000 - 250.000 inkl mva.

For reperasjonar som må startast innan to år er det to alternativ:

• A. Reperasjon som må startast inn 2 år - for 30 år levetid: kr. 38 mill. inkl. mva.
• B. Reperasjon utan elektrokjemisk behandling - for 10 år levetid: kr. 25 mill. inkl. mva.

Prosjektleiingskostnadar, byggerenter og prisstigning vil tilkomme og bassenget må tømmast og stengast i 6-9 månadar under utbetringsarbeid. Arbeidet omfattar berre sjølve bassenget. Garderobar, vindauge og fasadar er ikkje del av arbeidet.

Det kan tilkomme spelemidlar med omlag kr 12-15 mill.

Sjå orientering og spørsmål i formannskapet