Renasys as har utvikla eit mekanisk reinseanlegg med høg reinseeffekt. Saman med Renasys as vil vi teste nye, betre og meir berekraftige reinseprosessar, både for integrasjon i konvensjonelle biologiske og kjemiske reinseanlegg, og som kompakte og mindre arealkrevjande fullskalaanlegg. For Sunnfjord kommune er det viktig å redusere bruken av ureinande kjemikaliar til fosforbinding og fjerning av biologisk materiale, og å produsere eit slam som kan inngå i sirkulære prosessar med høgare gjenvinningsgrad. Hellenes as har utvikla anlegg for ressursgjenvinning frå avløpsslam, som viser gode resultat med varmebehandling av slammet frå Renasysanlegget.

Begge pilotanlegga er bygde på Øyrane, og er no tilkopla Sunnfjord kommune sitt kloakkreinseanlegg.