Klagenemnda fann ikkje grunnlag for å avvise den valde leverandøren, og dei fleste av klagepunkta førte ikkje fram. Samstundes peikar KOFA på tre forhold i evalueringa der kommunen må gjere nye vurderingar – særleg knytt til dokumentasjon av kompetansevurderinga og delar av vurderinga av gjennomføringsplanen.

Sunnfjord kommune tek KOFA si rettleiande uttale til vitande. Anskaffingsreglane er omfattande, og partane var einige om å be om ei slik avklaring før kontraktssignering. Kommunen er positiv til å gjennomføre ei ny evaluering av tilboda og vil deretter tildele kontrakten på nytt.

– Vi ønskjer å sikre ein ryddig og korrekt prosess, og vi er derfor glade for klagenemnda si rettleiing. No gjer vi ei ny vurdering og går vidare i tråd med regelverket, seier Trond Ueland.

• Les heile saka på Klagenemndssekretariatet si nettside