Kommunen viste til overskotskraft, ferdig regulerte næringsareal og sterk politisk vilje, særleg knytt til Sunnfjord Næringspark på Moskog og Grøn Park-modellen. Trass i dette er manglande nettkapasitet den største flaskehalsen for vidare utvikling. Dialogen med regionale nettselskap fungerer godt, medan manglande konkrete svar frå Statnett vart peika på som ei sentral utfordring.

Statssekretæren uttrykte forståing for problemstillingane og behovet for betre dialog og meir open informasjon om nettbegrensingar. Det vart semje om at kommunar som seier ja til ny fornybar kraft må få noko att, mellom anna gjennom konsesjonskraft, inntekter frå vindkraft og ordningar som gir tidlegare økonomisk utteljing.

Møtet vart opplevd som konstruktivt. Sunnfjord kommune formidla eit tydeleg bodskap om at kommunen tek ansvar for planlegging og areal, men at statlege rammevilkår og nettløysingar må gjere det mogleg å bruke lokal kraft lokalt for å sikre vidare næringsutvikling og samfunnsaksept.