Sunnfjord kommune har jobba systematisk med oppfølging av mjølkebønder, for å sikre overgang til lausdriftsfjøs for alle mjølkekvotar i Sunnfjord. Dette med bakgrunn i krav om at all mjølkeproduksjon skal skje i lausdriftsfjøs frå år 2034, etter stortingsvedtak frå 2008.

Vi har jobba aktivt ut mot enkeltbrukarar. I tillegg har vi arrangert opne møter/synfaringar med tema nybygg og lausdrift, der mjølkebøndene i kommunen har vore særskilt inviterte.

Vår rådgjevar og kontaktperson for nye driftsbygningar, Ola Kvaal, har heile vegen hatt godt samarbeid med rådgjevarar i Storfeprosjektet (prosjekt som er finansiert via Vestland fylkeskommune og drive av Tine) og Innovasjon Norge (som yter investeringstilskot til driftsbygninga). Ola har vore med på besøk ute hjå enkeltbrukarar og diskutert føresetnadane for investering i nybygg. Han har også jamleg vore eit bindeledd mellom bonde og byggesakshandsamar, når nye driftsbygningar har vorte bygd. Han har vore medviten på at bøndene skal få god service. Han har prioritert å svare bøndene så fort det let seg gjere. Dette for å sikre at  motivasjonen og framdrifta hjå den einskilde bonde ikkje skal verte skadelidande i møte med kommunen.  

Ola Kvaal skal ha stor takk for innsatsen han har lagt ned for bøndene i Sunnfjord. I haust pensjonert Ola seg og Oddmund Klakegg har tatt over stafettpinnen etter han. Oddmund kan nok føle på presset av å hoppe etter (Wirk)ola, men han gledar seg nok mest over å kunne byggje vidare på det fundamentet som Ola har lagt etter seg i kommunen.

Presentasjon vist for utval og kommunestyret (PDF, 2 MB)