TV-aksjonen, Sunnfjord 2025

Årets TV-aksjon er sundag 19. oktober og går til Atlas-alliansen. Årets TV-aksjon skal sørge for at naudhjelp kjem fram til funksjonshemma, og at 200 000 menneske med funksjonsnedsettingar og familiane deira i Palestina, Ukraina, Etiopia, Nepal, Tanzania, Uganda og Zambia får eit betre liv.

Pengane skal gi hjelp til menneske med funksjonsnedsettingar i land som er råka av krig, kriser og fattigdom

Nesten 1,3 milliarder menneske i verda har ei funksjonsnedsetting, og dette gjer dei til verdas største minoritet. Mange av desse lever i fattigdom og har dårleg eller liten tilgang til utdanning og helsehjelp. I tillegg har talet på menneske med funksjonshemmingar auka dramatisk i konflikt- og krigsområde dei siste åra. 

Pengane skal gå til skulegang, helsetenester, naudhjelp, og hjelpemiddel som rullestolar, krykker, briller og proteser. I krig og konflikt er menneske med funksjonsnedsettingar ekstra sårbare, og nokon vert og forlétne åleine i krigssoner utan høve til å få hjelp.

Jente med krykker - Klikk for stort bilete

Atlas-alliansen er ein paraplyorganisasjon for åtte organisasjonar av og for menneske med funksjonsnedsetjingar:

  • Norges Handikapforbund
  • Funksjonshemmedes Fellesorganisasjon
  • Norges Blindeforbund
  • Norsk Forbund for Utviklingshemmede
  • Ryggmargsbrokk- og Hydrocefalusforeningen
  • Mental Helse Ungdom
  • Norges Døveforbund 
  • Stiftelsen Signo

 

TV-aksjonen sitt vippsnummer: 2133  og kontonummer: 8380 08 09005

 

​Sjå TV-aksjonen si offisielle nettside

Linda Hafstad, Atle Hamar, Jenny Følling, Håkon Myrvang, Anne Lilleaasen og Henrik Nordal. - Klikk for stort bilete

 

Aktivitetar i Sunnfjord

Innsamlinga i Sunnfjord
I Sunnfjord kommune har digital innsamling gjennom Vipps og bankkontonummer,  ikkje bøsser på dørene.

Aktvitetar ved skulane
Skulane har tradisjon for stafett, basar og andre aktvitetar på hausten til inntekt for TV-aksjonen.

Engasjert næringsliv
Næringslivet har ringedugnad 2. oktober. 

Stand ved lokale handelspunkt i aksjonshelga
Aksjonshelga vil du møte medlemmar frå Sunnfjord kommunestyre og nærmiljøråda på stand ved tolv ulike lokale handelspunkt rundt om i kommunen vår. 


 

Sist endra 01.10.2025 12.03

Kontakt

Profilbilde av Jenny Følling
Jenny Følling
Ordførar
E-post
Telefon 57 61 27 03
Mobil 47 90 59 90