Føresette sitt ansvar:

• Hovudansvaret for at sine barn har utvikling og læring
• Bidra til å skape god dialog og samhandling med barnehage/skule/PPT
• Ta opp uro rundt eigne barn primært med barnehage/skule

Rettar:

• Du skal oppleve at du blir tatt på alvor
• Kreve at barnehage/skule observerer og vurderer ditt barn
• Du kan tilvise ditt barn til PPT
• Medverknad/dialog i organisering og utforming av vedtak om spesialpedagogisk hjelp/spesialundervisning 
• Barn skal bli høyrt i prosessen

Samtykke:

• Du skal samtykke i alle prosessar
  • Om barnehage/skule tek initiativ til å observere om barnet ditt har behov for hjelp
  • Når barnehage/skule ønskjer å ta opp saka med PPT og helsestasjonen
  • Tilvising til PPT
  • Kvar gong det skal utarbeidast enkeltvedtak etter spesialpedagogisk hjelp, tilrettelegging eller spesialundervisning
• Dersom du, som foreldre tek initiativ til å vurdere om ditt barn har behov for hjelp ligg samtykke implisitt i initiativet
• Begge foreldra skal samtykke for å gjennomføre tiltak

Klage:

• Du har rett til å klage på vedtak som blir utarbeida om ditt barn
• Klageretten din er 3 veker etter at du har motteke vedtaket
• Du sender klagen til kommunen
• Dersom du klagar er det fleire steg i klageprosessen
  • Styarar i barnehagen eller rektor på skulen vurderer klagen
  • Dersom du får medhald får du eit nytt vedtak der det blir tatt omsyn til klagen
  • Dersom administrasjonen i kommunen ikkje gir deg medhald i klagen blir den sendt vidare til klageutvalet 
  • Klageutvalet ser på klagen og fattar eit vedtak
  • Dersom klageutvalet gir deg medhald i klagen blir det fatta nytt vedtak
  • Dersom klageutvalet ikkje gir deg medhald i klagen blir den sendt vidare til Statsforvaltaren i Vestland, som er siste klageinstans
  • Statsforvaltaren i Vestland vurdere klagen og gir ei endeleg avgjerd

Veilederen spesialpedagogisk hjelp

Veilederen spesialundervisning

Elevar som har fylt 15 år:

• Er du bekymra for eiga læring og utvikling kan du ha samtale med skulen
• Når du har fylt 15 år kan du sjølv tilvise til PPT
• Du kan sjølv samtykke i saker om spesialundervisning
• Foreldre har foreldreansvar for barn fram til dei er 18 år, for samtykke til saker som gjeld spesialundervisning er det eit unntak frå 18- årsgrensa
• Det er viktig at foreldre har diskutert spesialundervisning med eleven
• Elevar som sjølv samtykker i saker om spesialundervisning må vere innforstått med kva dette er og kvifor han/ho treng spesialundervisning, kva konsekvensar det kan ha dersom han/ho takkar nei
• Etter at du har fylt 15 år skal all dokumentasjon som gjeld spesialundervisning bli sendt til deg

Veilederen spesialundervisning

Kommunedirektøren si oppgåve:

• Har det overordna ansvaret for at kommunen har gode tenester
• Skal sjå til at kommunen følgjer regelverk og eigne system som er utarbeida i kommunen
• Kommunedirektøren fastsett gjennom retningslinjer og delegasjon kven som har ansvaret for oppfølging og gjennomføring
• Kommunedirektøren fastsett prinsipp for fordelinga av spesialpedagogiske ressursar
• Kommunedirektøren tildelar budsjett til barnehagar og skular ut frå rammer og retningslinjer vedteke av kommunestyret

Styrar si oppgåve:

• Dialog med foreldre
• Samtykke frå foreldre før saka blir drøfta med andre partar
• Følgje opp barn ein er bekymra for
• Vurdere kva tiltak barnehagen kan gjere
• Ha dialog med PPT for å drøfte saka
• Vurdere i samråd med foreldre og PPT i drøftingsmøte om det skal tilvisast
• Fatte vedtak etter §§ 31, 37 og 38 (styrarar i kommunale barnehagar)
• Har hovudansvaret for å legge til rette for barn som ikkje kan følgje det ordinære barnehagetilbodet

Tilsette har ansvar for:

• Sjå til at barn har eit godt barnehagetilbod
• Ha dialog med styrar når ein er bekymra for eit barn

Pedagogisk leiar har ansvar for:

• Ha god dialog med foreldre og styrar
• Melde frå til styrar når ein er bekymra for barn
• Vurdere tiltak som kan hjelpe barnet
• Saman med artlegge barn ein er bekymra for
• Skrive pedagogisk rapport for å få meir informasjon 
• Følgje opp vedtak som styrar/fagutvikling har fatta
• Skrive individuell opplæringsplan og årsrapport 

Rektor si oppgåve:

• Dialog med foreldre
• Samtykke frå foreldre før saka blir drøfta med andre partar
• Følgje opp elevar ein er bekymra for
• Vurdere kva tiltak skulen kan sette i gang
• Ha dialog med PPT for å drøfte saka
• Vurdere i samråd med foreldre og kontaktpersonen frå PPT i drøftingsmøte om det skal tilvisast
• Fatte vedtak etter § 5-1 i opplæringslova
• Har hovudansvaret for å legge til rette for elevar som ikkje kan følge det ordinære undervisningstilbodet

Tilsette har ansvar for:

• Sjå til at elevar har eit godt opplæringstilbod
• Ha dialog med rektor når ein er bekymra for ein elev

Spesialpedagogisk ansvarleg og lærarar har ansvar for:

• Ha god dialog med elev, foreldre og rektor
• Melde frå til rektor når ein er bekymra for ein elev
• Saman med ressursteam kartlegge eleven ein er bekymra for
• Skrive pedagogiske rapport for å få meir informasjon 
• Vurdere tiltak som kan hjelpe eleven
• Følgje opp vedtak som rektor har fatta
• Skrive individuell opplæringsplan og årsrapport 

Fagutvikling:

• Fagutvikling er ein stab i Sunnfjord kommune.

Mandatet til fagutvikling:

• Gi støtte og bistand til kommunalsjefar, barnehagar og skular

Oppgåver til fagutvikling:

• Rettleie 
• Følge opp fagleg utvikling
• Fatte vedtak om spesialpedagogisk hjelp, tilrettelegging og teiknspråkopplæring i private barnehagar
• Koordinere tverrfagleg team

Pedagogisk psykologisk teneste (PPT):

PPT skal hjelpe barn og elevar i alderen 0–16 år med behov for særskilt tilrettelegging. 

Kva gjer PP-tenesta i Sunnfjord kommune?

• Pedagogisk og psykologisk utgreiing
• Individuell oppfølging av barn og unge
• Rådgiving til foreldre/føresette
• Samarbeid med barnehagar og skular
• Rettleiing til tilsette i barnehagar og skular

Les meir på nettsidene til Utdanningsdirektoratet om kva PPT gjer. 

Korleis får vi hjelp frå PPT?

• For dei som går i barnehage eller skule ønsker vi å bli kontakta gjennom barnehagen eller skulen. Ta direkte kontakt for barn som ikkje går i barnehage.  
• Vil du ha ein rask innføring i kva spesialpedagogisk hjelp/spesialundervisning er, kva ord og uttrykk betyr og kva du kan forvente av hjelp?

Spesialpedagogisk hjelp - til deg som er forelder  (0–6 år) 
Spesialundervisning - til deg som er forelder 

Kontaktinformasjon PPT i Sunnfjord kommune:

• Telefon: 57 82 93 00, kvardagar kl. 08.00–15.30
• Besøksadresse: Hafstadvegen 42, 3. etasje i rådhuset
• Postadresse: PPT i Sunnfjord kommune, postboks 338, 6802 Førde
• Organisasjonsnummer: 974857545

Lover:

Barnehagelova Kapittel VII. Spesialpedagogisk hjelp, tegnspråkopplæring m.m.
Opplæringslova Kapittel 5. Spesialundervisning

Her kan du lese meir om:

Spesialpedagogisk hjelp og tilrettelegging i barnehagen-kven gjer kva?

Spesialundervisning og tilrettelegging i grunnskulen-kven gjer kva?

Kompetanseteam i barnehage:

Kompetanseteamet for barnehagesektoren er eit team organisert under Pedagogisk-Psykologisk teneste (PPT) i Sunnfjord kommune. Kompetanseteamet rettleiar i endringsprosessar knytt til barnehagetilsette sine haldningar, kunnskapar og ferdigheiter. Rettleiing kan skje både på individ- og systemnivå.

Kompetanseteamet gir rettleiing i høve barn som har vedtak om spesialpedagogisk hjelp etter barnehagelova § 31. Kompetanseteamet sitt rettleiingsarbeid inngår også i det ein i barnehagelova § 33 beskriv som kompetanse - og organisasjonsutvikling.

Målet for endringsprosessane kan vere

• Sosial-, emosjonell-, kognitiv- og/eller språkutvikling hos
  • Enkeltbarn (individ)
  • Grupper av barn (system)

Før kompetanseteamet kan starte rettleiingsarbeid må barnehagen få samtykke av barnet sine føresette.

Kompetanseteam  i skule:

Kompetanseteamet for skulesektoren er eit team organisert under Pedagogisk-Psykologisk teneste (PPT) i Sunnfjord kommune. Kompetanseteamet er nyetablert og under oppbygging. 

Det er 2 fagfelt i kompetanseteamet:

• Logoped - 1 årsverk
• PMTO - terapeut - 0,5 årsverk

Oppgåvene til Logoped:

• Følge opp elevar som har vedtak om logopedi
• Har kontakt med skulane når det er behov
• Rettleiing
• Følge opp individsaker
• Treng samtykk frå foreldre/elevar for å starte kartlegging

PMTO:

• PMTO er ein metodikk som er eit lågterskeltilbod til foreldre som har barn med åtferdsproblem
• TIlbodet er for familiar med barn i alderen 3-12 år 

Målet med arbeidet til PMTO - terapeuten:

• Målet er at foreldra og barnet skal gjennoopprette ein positiv relasjon
• opposisjonell åtferd skal reduserast, og positiv utvikling skal fremmast

PMTO

Om ressursteam:

Ressursteamet er eit team på kvar eining. I teamet skal eininga drøfte barn/elevar ein er bekymra for. Foreldre skal gi samtykke til at saka kan drøftast.

I teamet er det tilsette på eininga som er medlemmar.

Barnehage:

• Styrar
• Assisterande styrar
• Spesialpedagog (dersom eininga har)
• Pedagogisk leiar

Skule:

• Rektor
• Assisterande rektor
• Spesialpedagogisk ansvarleg
• Sosiallærar
• SFO-leiar
• Skulehelsesjukepleiar

Oppgåva til ressursteamet er:

• Sjå på saka om barnet/eleven
• Pedagogisk leiar legg fram saka for ressursteamet
• Pedagogisk leiar/kontaktlærar har ansvar for god dialog med foreldre i prosessen
• Vurdere om det er behov for meir kartlegging for å få meir informasjon i saka
• Vurdere om det skal setjast inn nye tiltak eller halde fram med tiltak som allereie er i gang
• Dersom saka blir sendt tilbake til avdeling/klassen for meir utgreiing blir det sett opp eit oppfølgingsmøte etter ei tid
• Dersom teamet vurderer at tiltak som er sett inn fungerer blir saka avslutta
• Dersom ressursteamet vurderer at det er nok dokumentasjon og at saka bør gå vidare i systemet blir den sendt til neste nivå

Tverrfagleg team

Tverrfagleg team er eit team sett saman av personar frå oppvekst og helse i kommunal sektor og 2. linjetenesta. Mandatet til teamet er å bistå og rettleie barnehagar og skular i saker dei har bruk for hjelp i.

Det er sett ned eit team for barnehage og eit for skule.

Medlemmar i teamet har tausheitsplikt. 

Foreldre skal samtykke før saka blir drøfta i tverrfagleg team.

Medlemmar i teamet:

• Fagutvikling (koordinerer og møteleiar)
• PPT
• Helsestasjon
• Helsesjukepleiar
• Lege
• Barnevern
• BUP

Oppgåva til tverrfagleg team:

• Eininga legg fram sakene dei er bekymra for og treng hjelp for å vite korleis ein skal arbeide vidare
• Drøfte saker som blir lagt fram for teamet
• Rettleie eininga i korleis ein bør arbeide og kva ein bør gjere vidare for å hjelpe barnet/eleven