Dei melder seg på aktiviteten på vanleg måte, men må ettersende ei stadfesting frå kommunen til dykk på at dei har fått innvilga Fritidskortet. Denne stadfestinga innheld namnet på barnet/ungdommen og eit unikt referansenummer.

De sørger då for at de ikkje sender ut faktura til barnet/ungdommen for deltaking på aktiviteten. 

De sender faktura til kommunen. Vi ønsker elektronisk faktura i EHF-format.

• EHF adresse: 921 244 207
• oppgi referanse: Fritidskortet
• spsifiser faktura med referansenummeret til barna/ungdommane, ikkje namna deira

De kan fakturere opp til 800 kroner per barn/ungdom.  Differansen mellom kostnaden på aktiviteten og det de får refundert av kommunen dekker laget/organisasjonen sjølv.

Av omsynt til personvernet til barna/ungdommane, så skriv de ikkje namna deira på fakturaen. De skriv på referansenummeret deira som står på stadfestinga dei har levert inn til dykk på at dei har Fritidskort. De spesifiserer derfor fakturaen ved å skrive på referansenummeret på kvart av barna/ungdommane frå stadfestinga. 

De kan sende ein samla faktura til kommuen med fleire barn/ungdom om det er fleire som har Fritidskortet.

Siste frist for å sende inn faktura til kommunen er 10. desember 2026

De nyttar skjema har på nettsida til kommunen for å melde inn at de vil tilby bruk av Fritidskortet i dykkar lag/organisasjon.

På nettsida her ligg det ei oversikt over kven som tilbyr bruk av Fritidskortet, de kjem då opp på den.

Fritidskortet er eit tilbod til born og unge i låginntektsfamiliar med bustadadresse i Sunnfjord kommune. Kvart barn kan få ein gratis fritidsaktivitet kvart år.  

Fritidskortet bidrar til å dekke utgifter til medlemskap og aktivitetsavgift i kor, korps, idrett, 4H eller liknande. Aktiviteten må skje minst 10 gongar i løpet av ein sesong.

Fritidskortet er for born og unge i husstandar som har ei samla brutto årsinntekt på under 560 000 kroner. Føresette må gje skriftleg stadfesting på at familien er i målgruppa for ordninga.  Dette kan du gjere når du melder barnet på aktiviteten.

• Eit fritidskort tilhøyrer kvart enkelt barn. Det kan ikkje bli overført til søsken eller andre barn.
• Fritidskortet gjeld for barn og unge frå og med 6 til og med 18 år.

 Slik søker du om kortet og slik brukar du det:

1. Føresett fyller ut søknadsskjema her på nettsida til kommunen.
2. Føresett får då ei stadfesting på e-post om at barnet/ungdommen har fått innvilga Fritidskort. 
3. Sjå i oversikta på denne sida kva lag og organisasjonar du kan bruke kortet.
4. Når du melder på barnet/ungdommen på ein aktivitet, så gir du vidare stadfestinga du fekk på e-post til laget eller orgniasjonanen. Dei vil då ikkje sende faktura for aktiviteteten. Dei vil få støtte frå kommunen i staden.

Nei, du kan berre bruke Fritidskortet til ein aktivitet per barn. Dersom det er fleire barn i familien, så kan du søke om Fritidskort for kvar av dei.

I stadfestinga som du får ved påmelding står namnet på barnet/ungdommen og eit unikt nummer. Det er denne stadfestinga du gir vidare til laget/organisasjonen slik at dei ikkje sender deg faktura for deltakinga.  

Søknadskjema opnar i starten av januar.

Det blir lukka når midlane er brukt opp. Ut over året kan du derfor oppleve at skjema er lukka. Då er det ikkje meir midlar att for 2026. Det er totalt sett av 100 000 kroner til Fritidskortet dette året.

Dersom du har fylt ut skjema og det er kome opp melding om at barnet ditt har fått innvilga Fritidskortet, så skal du få ein e-post med denne stadfestinga.

To vanlege årsaker til at du ikkje har fått e-post:

• stadfestinga er kome i “søppel-post” i innboksen din
• du har skrive feil i e-postadressa di og e-post er ikkje kome fram
• søknaden blei avbroten før du fekk fullført

Ta kontakt med oss på  e-post så finn vi ut kva som har skjedd. Er søknaden gått i gjennom, så finn vi søknadsskjema her hos oss.

Nei, det må du ikkje. Det kjem opp som eit val, men du kan velge å søke uten å logge deg inn.

Då har det skjedd ein feil.

Om du har fått innvilga Fritidskortet, barnet er begynt på aktiviteten og laget/organisasjonen har godkjent at de kan nytte Fritidskortet til den aktiviteten, så skal skal de ikkje ha faktura.

Vanlege feil i som kan oppstå:

• Det er ikkje blitt kryssa av i systemet til laget/organisasjonen at de ha fått godkjent å bruke Fritidskortet  og at de derfor ikkje skal ha faktura.

Husk at dei fleste lag/organisasjonar er drifta på dugnad.  Berre ta kontakt med dei og sjekk opp i kva som har skjedd.