Adressebasert varsling kan til dømes skje:

• ved evakuering
• når du må koke vatnet
• ved vassbrot

Sunnfjord kommune brukar Varsling 24 for å varsle innbyggarane.

Les meir om Varsling 24

Om vi ikkje klarar å varsle via mobiltelefon eller radio, vil varsling skje fysisk ved bruk av kommunen sine tilsette, politiet, sivilforvaret, Røde kors m.v. Dette vil vere mest aktuelt  ved evakuering.

Varsling med tyfon eller sirener

Sivilforvaret har ansvar for landets sireneanlegg (tyfonar). Det vert nytta til varsling av befolkninga ved akutt fare både i fred- og krigstid.
Sivilforsvaret prøver installasjonane to gonger i året, vanlegvis andre onsdag i månadene januar og juni.

Naudvarsel på mobil

I tillegg til varslingsanlegga kan Naudvarsel på mobil brukast til å varsle befolkninga om akutt fare. Eit naudvarsel inneheld informasjon om kva som skjer, og kva du bør gjere for å beskytte deg sjølv. Naudvarsel er ei tjeneste frå norske myndigheiter. Det er politiet og Sivilforsvaret som avgjer kva område som skal varslast og som sender ut sjølve varselet.

Meir om Naudvarsel

Les meir om Sivilforsvarets varsling av befolkninga