Naustdal skule

Naustdal skule (NASK) har skuleåret 25/26 341 elevar frå 1.–10. trinn og kring 60 tilsette. 

Skulen har flotte moderne lokale med attraktive uteområde i tilknyting til hall og idrettsanlegg, sentrumsfunksjonar, fjord og fjell. I tillegg er folkebiblioteket lokalisert i skulebygget og er ein viktig ressurs for skulen.

Satsingsområde

Skulen driv aktivt med pedagogisk utviklingsarbeid. Vi har særleg fokus på fagfornyinga, vurdering, begynnaropplærling og inkluderande praksis. Sidan skuleåret 22/23 har skulen også vore ein del av trivselsprogrammmet (TL). Målet med programmet er å gje auka trivsel, auka og meir variert aktivitet i friminutt og undervisning, bygge vennskap, førebygge konflikter og mobbing, og gje inkluderande, vennlegge og respektfulle elevar.

Våre kjerneverdiar er: God læring og glede, tryggleik, trivsel og venskap.

Læring i samarbeid med andre gjennom tverrfagleg arbeid, fysisk aktivitet og klasse- og elevrådsarbeid står sentralt i skulekvardagen vår.

Trygt og godt skulemiljø

Alle elevar har rett til eit trygt og godt skulemiljø som fremjar helse, inkludering, trivsel og læring (Opplæringslova § 12-2). 

Naustdal skule nyttar kartleggingsverktøyet Spekter Digital for å få innsikt i korleis elevane har det på skulen. Verktøyet hjelper oss med å forstå trivsel, relasjonar og tryggleik i klassane, slik at vi kan setje inn gode tiltak der det trengst. Kartlegginga er digital og elevane svarer på spørsmål om korleis dei opplever skulekvardagen. 

Resultata blir nytta til å styrke læringsmiljøet og blir fulgt opp på ein trygg og forsvarleg måte. Føresette blir informerte dersom kartlegginga gir grunnlag for vidare oppfølging.