Nye Sande skule

Sande barne- og ungdomsskule omfattar årsstega 1til 10 og ligg i Sande sentrum. Sande skule var bygd i 1967og har blitt bygd på i fleire steg fram til 2013. Ved siste utbygging vart det bygd ny Fleirbrukshall og rehabilitering av skuledelen i Fløy D med mindre tilbygg for supplerande læringsareal. Sande skule rommar per i dag omtrent 280 elevar og 45 tilsette.

Vedtak om rehabilitering og utbygging

I juni 2022 vedtok Sunnfjord kommunestyre at Sande skule skal rehabiliterast og byggjast ut. Målsettinga for prosjektet er å få tilrettelagd ei skule for 300 elevar og omtrent 50 tilsette. Det blir satsa på arealeffektive løysningar gjennom fleirbruk og sambruk av lokale. Skulen sine lokale skal planleggast og tilpassast for aktiviteter utanom kjernetid som for eksempel Kulturskuleundervisning.

Les vedtak om rehabilitering og utbygging av Sande skule

Teknisk tilstandsrapport

Sweco AS og ARKI Arkitektar utførte ein teknisk tilstandsrapport i 2019 for eksisterande bygg med ei tilråding til Gaular kommune. Den tekniske rapporten konkluderte med at det i hovudsak er Fløy A, B, C og E som treng rehabilitering og utbetring. I utgangspunkt har skulen ein god og ryddig planstruktur, men det er behov for utbygging da det er arealmanglar knytt til garderobar, grupperom, lærararbeidsplassar og generelt gode fellesareal. Samla arealbehov for skule er estimert til å være omtrent til ca. 5000 m2.