Avslutning og ferdigattest av eldre byggesakerKva gjer du om det er ein gammal byggesak på eigedomen din som ikkje er avslutta Kva skal du gjere om du har eit byggetiltak til din bustad eller eigedom som manglar ferdigattest. Ved kjøp og sal av eigedom oppstår ofte denne problemstillinga at det ikkje ligg føre sluttdokumentasjon og ferdigattest på det som er bygd. Korleis ein skal løyse dette er avhengig av kva tid byggesøknaden blei sendt inn. Reglar om ferdigstilling av tiltak går fram av SAK10 kapittel 8. Byggesøknad sendt før 01.01.1998 Kommunen kan ikkje gje ferdigattest eller bruksløyve til byggetiltak som er søkt om før 01.01.1998. Dersom bygget er omsøkt og godkjent frå kommunen vil det ikkje vere ulovleg å bruke bygningen sjølv om ferdigattest manglar. Eventuelle lovstridige byggetiltak vil ikkje vere automatisk godkjent i dette tilfellet, og teikningar som er lagt til grunn for byggetiltak ved søknaden er dei som framleis gjelder. Det er noverande eigar av bygget som er ansvarleg for at bygget er utført i tråd med løyvet. Byggesøknad sendt 01.01.1998 - 30.06.2010 Ved byggetiltak som er søkt om mellom 01.01.1998 - 30.06.2010 kan kommunen gje ferdigattest dersom vilkåra er til stades: Det må vere gjeve mellombels bruksløyve for byggetiltaket, og: a) erklæring frå ansvarlege føretak føreligg, eller b) erklæring frå byggverkets eigar som stadfestar tiltaket Bokstav a: Gjelder når det ikkje gjenstod alvorlige forhold etter gitt mellombels bruksløyve. Vurdering må bli basert på kompleksitet ved det arbeidet som har stått igjen, og kva konsekvensar det har for helse, miljø og tryggleik. Erklæring kan vere frå nye ansvarlege føretak, eller føretak som var ansvarlege i opphaveleg byggesak Bokstav b: Gjelder når det gjenstod forhold av mindre betyding etter gitt mellombels bruksløyve. Tiltakshavar eller noverande eigar av byggverket kan gjennom erklæring stadfeste at byggetiltaket er utført i samsvar med lov og gitt byggeløyve. Ingen mellombels bruksløyve: Dersom byggetiltaket manglar bruksløyve er det i utgangspunktet eit lovstridig forhold. I dei tilfeller gjelder ikkje denne føresegna, og for å få ferdigattest må det vanlege ansvarsrettssystemet bli brukt. I tillegg kan kommunen vurdere å følgje opp forholdet. Dette gjelder og dersom delar av tiltaket manglar bruksløyve. Då må den delen som ikkje har bruksløyve bli omsøkt med det vanlege ansvarssystemet. Byggesøknad sendt etter 30.06.2010 For byggetiltak som er søkt om etter 30.06.2010 er det ingen unntak. Det betyr at ansvarlege føretak skal gje samsvarserklæring for utført arbeid. Etter søknad om ferdigattest kan kommunen gje ferdigattest dersom vilkåra er til stades på bakgrunn av innsendt dokumentasjon og erklæringar. Mindre byggetiltak utan ansvarleg føretak Enkelte byggetiltak er unntatt ansvarsrett. "Søknad om løyve utan ansvarsrett". Slike byggetiltak blir søkt om utan at det er ansvarlege føretak i byggesaken. Tiltakshavar eller byggverkets eigar kan då erklære at byggetiltaket er utført og i samsvar med lov, forskrift og byggeløyve gjennom søknad om ferdigattest. Kommunen kan då gje ferdigattest. Bruk blankett Søknad om ferdigattest. Sist endra 11.02.2022 13.45