Ungdomsrådet sine midlar 

Sunnfjord ungdomsråd får tilskotsmidlar i årleg budsjett som dei skal fordele til gode tiltak for barn og ungdom i kommunen. I 2023 skal ungdomsrådet tildele 70 000 kr.

Halvparten av midlane vert tildelte i mai, og resten vert reservert for utdeling i november.  

• Sjå retningslinjer for tildeling av midlar frå ungdomsrådet  

Kva kan du søke om støtte til?

• Prosjekt for barn og ungdom 
• Rusfrie arrangement eller aktivitetstiltak for barn og ungdom
• Utstyr retta mot aktivitet for barn og ungdom
• Andre tiltak som betrar oppvekstmiljøet for barn og ungdom

Midlane er retta mot mindre eingongsinvesteringar, ikkje generell drift.

Kven kan søke?

• Privatpersonar, elevråd eller andre lag/organisasjonar kan søke om støtte. 
• Midlane skal gå til tiltak for barn og ungdom mellom 6 og 20 år 
• Barn og/eller ungdom skal delta i planlegging og gjennomføring av tiltaket. 

Søknadsfrist

Ungdomsrådet skal tildele rundt 35 000 kr i møte 8. mai og 15. november 2023.  

Førstkomande søknadsfrist er 1. mai 2023

Krav til søknaden

• informasjon om søkar 
• skildring av tiltaket 
• informasjon om finansiering av tiltaket 
• Myndig kontaktperson (dersom søkar er under 18 år)

Bruk elektronisk søknadsskjema: 

Søk om midlar frå ungdomsrådet

Mottakar av støtte er forplikta til å

• bruke tilskotsmidlane innan 1 år
• sende ein kort rapport, gjerne med bilete, og rekneskap til ungdomsrådet innan 3 månadar etter at tilskotsmidlane er brukt opp
• informere om støtte frå Sunnfjord ungdomsråd i marknadsføring eller saker om tiltaket

Har du spørsmål?

Ta kontakt med kommunalsjef for kultur og idrett Hilde Bjørkum om du har spørsmål eller treng meir informasjon.