• Om du er sjuk, hald deg heime.
• Har du symptom på koronavirus bør du teste deg.

Dei vanlegaste symptoma på koronavirus er også vanlege ved andre luftvegsinfeksjonar som forkjøling og influensa. Mange får hoste og/eller feber. I tillegg er det vanleg med nedsett smak- og luktesans, hovudpine, slappheit og muskelverk. Etter kvart vert nokre tungpusta. 

Sjekk Folkehelseinstituttet sine nettsider om kva du skal gjere om du mistenkjer at du er smitta 

Her kan du melde frå om mulig biverknad av koronavaksine

Det vil krevje betydelige ressursar når tida kjem at storparten av innbyggjarane kan vaksinerast. Det meste vil Sunnfjord kommune ta hand om, men nokre funksjonar kan frivillige organisasjonar og enkelte frivillige bidra med:

• Transport til vaksinasjonsplassen for dei som ikkje klarer å kome seg bort dit sjølv – gjeld primært eldre.
• Overvaking på vaksinasjonsplassen
  Etter at ein har fått sprøyta skal ein vere i ro i 30 minuttar. Då må det vere nokon som ser etter dei.
• Overvaking og styring av eventuell kø inn til vaksinasjonsplassen.

Utfordringa er at vi ikkje veit omfanget eller kva tid slik massevaksinasjon vil skje. Dei som vert vaksinert på legekontor vil ikkje trenge frivillige til overvaking eller styring av kø, det sørgjer legekontora sjølv for. Kommunen ser føre seg at det vert oppretta vaksinasjonsstader, primært Førdehuset men kanskje også i andre deler av kommunen.

Dei frivillige som vil bidra kan sende e-post med namn, adresse og telefonnummer, samt kort kva dei kan bidra med til:

frisklivogfrivillig@sunnfjord.kommune.no eller ringe/SMS til 47688025

Det er sjølvsagt ikkje forpliktande å sette seg på liste over frivillige til desse oppgåvene. Når den tid kjem vil vi ta direkte kontakt og høyre om den frivillige kan bidra, men det er full forståing for at det då kanskje ikkje vil passe.

Vi følgjer tala frå Folkehelseinstituttet som viser tal personar  som har fått påvist koronavirus i Sunnfjord kommune. NB! dette er tal personar som har fått påvist koronasmitte i heile perioden frå mars 2020.

Informasjon til brukarar og pårørande om besøk i omsorgssentera og omsorgsbustadar

• Sjå rutiner for omsorgssenter og omsorgsbustadar 

• Informasjon om besøk til Førde omsorgssenter, korttid, og Skei omsorgssenter, rehabilitering

Informasjon til brukarar og pårørande i heimetenesta

Vi førebur oss på ein situasjon der mange kan sjuke av koronaviruset. Her finn du informasjon som gjeld heimetenesta. 

Nasjonale koronatiltak for sosial kontakt 
 

Frå 16. april gjelder desse reglane:

• Voksne kan no drive organisert aktivitet innandørs i grupper på inntil 10 personar, så lenge dei kan halde minst 1 meter avstand.
• Utandørs kan voksne no drive organisert aktivitet, så lenge dei kan halde minst 1 meters avstand. 
• Det er framleis maks 10 personar på private samankomstar innandørs utanom i eigen heim. Maks 20 personar dersm ein er utandørs. 
• Det er maks 10 personar på innandørs arrangement uten faste tilviste sitteplassar. Dersom deltakarane er under 20 år og tilhøyrer same kommune kan det vere 50 personar på idretts- og kulturarrangement .
• Maks 100 personar på arrangementer innandørs der alle i publikum sit på faste, tilviste sitteplassar.
• Maks 200 personar på arrangement utendørs, men 600 personar (fordelt på 3 kohortar á 200 personar) dersom dei sit på faste tilviste plassar og det er 2 meter avstand mellom kohortane.
• Det er no tillatt med skjenking ved servering av mat. Skjenkestopp kl. 22.00.
• Bowlinghallar, bingohallar, symjehallar og treningssentre kan drifte normalt, med godt lokalt smittevern og innanfor dei gjeldande reglane.

Aktuelle lenkjer:

• Her kan du lese meir om bransjestandardar og smittevern på kultur-, idrett- og frivilligheitsfeltet
• Råd til idrettsforeninger og treningssentre

Det er råd om å ha maks 5 gjestar i eigen heim, men ein vert oppmoda om å helst møtast ute.

Helsestasjonen - tilbod og smitteverntiltak

• Oppdatert 14. april: det er ikkje eit krav om bruk av munnbind i helsestasjonstenesta. Vi held avstand når vi kan. Alle som møter på helsestasjonen skal vere friske, og vaske/sprite hender på veg inn og ut. Munnbind er tilrådd når ein person har vore på reise når ein person har vore på reise i område med høgt smittetrykk. Dette gjeld både tilsette og brukarar over 12 år. Har de vore på reise ønskjer vi at de ringer  57 72 21 30 før timeavtalar, og at vi saman vurderer eventuell utsetting eller bruk av munnbind.
• Vi har vanleg drift med forsterka smitteverntiltak. Brukarar som har vore i område med høgt smittepress bør ringe før avtale på helsestasjonen slik at vi kan avklare om timen skal utsettast Førde: 
• Vi ber om at de møter presis til avtalt tid på helsestasjonen for å unngå for mange i ventesona.
• Når du/de møter til avtale, skal du/de vere symptomfrie og ikkje vere i karantene. Ring om du er usikker!
• Vask hendene eller bruk tilgjengeleg handsprit når de kjem og før de går frå helsestasjonen.
• Hald minimum 1 meter avstand til andre. Vi ber om forståing for at barna ikkje kan bevege seg like fritt som vi skulle ønske, og at foreldre må hjelpe barna med å halde avstand.
• Vi oppmodar besøkande om å unngå unødig berøring av flater av smittevernomsyn. Vi har auka reinhald og vaskar kontaktflater mange gongar dagleg.
• Grunna smitterisiko har vi rydda bort leikar. Vi oppmodar difor foreldre om å ha med ein leike som barnet kan ha glede av under besøket på helsestasjonen.
• Dersom mogeleg skal berre ein vaksen følgje barnet til helsestasjonen. Søsken skal ikkje vere med.
• Gravide skal helst møte åleine til konsultasjonen.
• Ekspedisjonen er bemanna, men stengt for besøkande. Ring 57 72 21 30 om du har spørsmål. 
• Helsestasjon for ungdom har ope, men ein må ringe ekspedisjonen og bestille time.
• Skulehelsetenesta har ordinær drift.

Arbeidsreiser

• Les om reglane for arbeidsreiser

Nye nasjonale koronatiltak

Serveringsstadane i Sunnfjord kommune som er opne for gjestar, må følgje retningslinjene i Covid-19-forskriftens §14a. I tillegg må alle serveringsstadane følgje bransjestandarden som er utarbeidd for serveringsstadane. 

Vi minner spesielt om at alle må sørge for å halde god avstand til kvarandre (1 meter), vaske hendene ofte og ha god hoste- og nysehygiene.

Du finn god og oppdatert informasjon på nettsidene til Helsedirektoratet, helsenorge.no og Folkehelseinstituttet. 

Sunnfjord kommune følgjer dei nasjonale retningslinjene

• Frå 16. april er det tillatt med skjenking ved servering av mat. Skjenkestopp kl. 22.00. 

Registrering av gjestar

Vi oppfordrar serveringsstadar til å registrere gjestar.