Informasjon om koronatesting
Befolkninga er no godt vaksinert. Barn og unge toler covid-infeksjon som ein annan influensa/forkjølelses-infeksjon. Omicron-varianten gjev mild sjukdom for dei fleste. Det er mindre behov no for særskilte smitteverntiltak, enn tidlegare.
For personer som har høg risiko for alvorleg covid-sjukdom gjeld eigne tilrådingar om å teste seg dagleg i 4 dagar ved nyoppståtte luftvegssymptom. Dersom positiv test tilrådast det å kontakte lege for å vurdere resept på Paxlovid. Dette gjeld
- Alle over 80 år
- Dei over 65 år som har ein eller fleire alvorlege sjukdomar
- Dei som har særleg alvorlege risiko (diagnostisert immunsvikt, organtransplanterte, aktiv kreftbehandling)
For resten av befolkninga gjeld dei same råda som før:
- Du treng ikkje teste deg for korona, sjølv om du har symptom.
- Er du sjuk med luftvegssymptom, bør du halde deg heime til du føler deg frisk.
- Dersom du tek ein koronatest, bør du framleis halde deg heime så lenge du er sjuk. Dette gjeld uansett om testen er negativ eller positiv.
- Du treng ikkje registrere positiv sjølvtest.
- Er du så sjuk at du treng legetilsyn, kan legen ta ein koronatest av deg.
- Meir informasjon finn du på sida: Tiltak som er iverksett av kommunen
Utlevering av hurtigtestar ved tenestetorga skjer i ordinær opningstid
Sjå opningstider for Sande, Naustdal og Skei tenestetorg
Utlevering av hurtigtestar ved legekontor
Du kan hente hurtigtestar på Naustdal, Sande og Skei legekontor i ordinær opningstid.
Opningstider for utlevering av hurtigtest i Førdehuset
- Tysdag: 15.00 – 21.00
- Onsdag: 15.00 – 21.00
- Torsdag: 15.00 – 21.00
- Fredag: 15.00 – 21.00
- Laurdag: 12.00 – 18.00
- Søndag: 14.00 – 21.00
Desse stadane har også hurtigtestar til utlevering:
- Spar Bygstad
- Joker Viksdalen 10.00–18.00, (Laurdag 10.00–16.00)
- Viksdalen barnehage 07.00–16.30
- Vevring skule og barnehage: mandag til fredag 07.00–16.30
Du kan hente hurtigtest på legevakta når andre hentestader er stengde.
NB – er du så sjuk at du har behov for å komme til lege ber vi deg kontakte eige fastlegekontor i opningstida. Utanom vanleg opningstid skal du ringe 116 117.
Informasjon om bruk av hurtigtest
Slik brukar du hurtigtest (PDF, 550 kB)
FHI tilrår at vaksne tek hurtigtest både i hals og nase. Barn skal fortsatt berre ta i nase. Ta helst testen om morgonen før du har spist/drukke, alternativt vent minimum 30 minutt frå siste inntak av mat/drikke. Ta test med same pinne: først i halsen, så i nasen. Er testen negativ og du har nyoppståtte symptom, kan du ta ny test etter 2 døgn.
Du treng ikkje registrere positiv hurtigtest
Meir informasjon finn du på Helsenorge - Testing og symptom
PCR-test i samband med reiser
Du bestiller slik test på flyplassen eller ved grenseovergangar.
Den kommunale teststasjonen er avvikla
Det er det ikkje lenger eit offentleg test-tilbod i kommunen utover sjølvtesting.