Kommuneplanen er det øvste styringsdokumentet i kommunen og kommunen sin viktigaste overordna plan. Den gjev langsiktige rammer for utvikling av kommunesamfunnet som heilskap og forvaltninga av arealressursane i eit 10-12 års perspektiv. Den består av ein samfunnsdel, ein arealdel og kommunen sin fireårige handlingsdel.

Kommuneplanen sin samfunnsdel er kommunen sin viktigaste overordna, strategiske og samordna plan. Den har ei viktig rolle som verktøy for ei berekraftig samfunnsutvikling, strategisk styring, politisk styring og medverknad. Samfunnsdelen skal peike på ynskt utvikling, og kva mogelegheiter og utfordringar vi står overfor. Samfunnsdelen skal gje føringar for arealdelen.

Kommuneplanen sin arealdel er juridisk bindande og styrer den langsiktige arealutviklinga. Den skal sikre at arealbruke

Kommuneplanen sin handlingsdel er ein plan for gjennomføring av kommuneplanens samfunnsdel, og skal vise kva kommunen skal prioritere dei neste 4 åra. Økonomiplanen er også 4-årig og skal gje ein realistisk oversikt over sannsynlege inntekter, forventa utgifter og prioriterte oppgåver. Ein samla handlings- og økonomiplan vil vise korleis dei ulike sektorane skal følgje opp kommuneplanen.

Kommunedelplanar vert utarbeidd for bestemte område (areal) eller tema. Dei skal følgje opp utvalte mål i kommuneplanen sin samfunnsdel eller konkretisere arealbruken for eit avgrensa geografisk område. Dei har same juridiske status som kommuneplanen og det er krav om å følgje plan- og bygningslova sine føresegner om planprogram og planprosess. Det er i tillegg krav om å ha ein handlingsplan med årleg rullering.

Reguleringsplan er ein arealplan for eit avgrensa område. Planen består av eit arealkart med tilhøyrande føresegner om bruk, vern og utforming av areal og fysiske omgjevnader. Alle forslag til planar etter lova skal ved offentleg ettersyn ha ei planskildring som skildrar planen sitt føremål, hovudinnhald og verknader, samt planen sitt forhold til rammer og retningslinjer som gjeld for området. Reguleringsplan kan utformast som områderegulering eller detaljregulering.

Områderegulering er ein kommunal reguleringsplan som vert brukt der det er krav om slik plan i kommuneplanen, eller kommunen finn at det er behov for å gje meir detaljerte områdevise avklaringar av arealbruken. Dette er nyttig når det er behov for å fastsetje overordna strukturar i område, som vert bygt ut gjennom små, private detaljreguleringar. Områderegulering vert utarbeidd av kommunen, gjerne i samarbeid med private aktørar. 

Detaljregulering er ein detaljert reguleringsplan for eit avgrensa område, og er ofte knytt til konkrete utbyggingsprosjekt. Både kommunen og private kan utarbeide detaljregulering, men dette vert som oftast utarbeidd av private aktørar.

Temaplanar inneheld meir detaljert planlegging for eit avgrensa fagområde eller ein eller fleire sektorar, eller følgjer opp og utdjupar overordna mål og satsingar i kommuneplanen. Temaplanar følgjer ikkje prosesskrava i plan- og bygningslova. Temaplanar skal innehald mål og tiltak innanfor satsingsområdet.

Handlingsplan er definert som ein plan som berre omhandlar tiltak for oppfølging av ein vedteken strategi eller plan, eller deler av desse.

Strategi skil seg ut frå plan ved at den ikkje har tiltak. Strategiane vil normalt vere meir overordna enn temaplanar fordi dei ikkje utviklar tiltak, og skal vise retning for ynskt utvikling.